Tot den Leser.
HIer sal u goetvvillighe Leser voor ghestelt worden het leelijck ende moordadich stuck van Balthasar Gerards begaen aen den persoon van den Prince van Oraingnen, het welck over sommighe jaeren is in den Latine ghesteld gheweest, by den Hoogh Vermaerden Professoor ende Poët Daniel Hensio, in sijnen Auriaco: Die het selfde seer fray ghevonden ende met veel schoone Poetische spreucken verciert heeft, des en begheeren wy die sonderlinghe eer die hem toecomt gheensins te verminderen, maer alsoo onse Nederduytsche sprake soo veel wijdloopighe spreucken niet verdraghen en mach, ende dat die selvighe niet bequamelijck en konnen van woorde tot woorde over gheset worden, soo hebben wy hem ter eeren nochtans den selven Auriacum ghevolght, ende sommighe Personagien ghevoechelick naer onse sin verandert. Ende soo yemand naemaels begeerde dees onse Tragedie den volcke speelwijs voor te stellen, sal het Tanneel, Raduys, oft Speelwagen maken van redelijcke groote, ende tselfde Tanneel eerst bekleeden naer oude ghewoonte, ende maken naer dat de Prince is gheschoten, dat daer neer vallen eenighe swarte lakenen, daer met dat het heel Tanneel met swart mach behanghen zijn. Op deen zijde van't Tanneel staet het Hoff van Spaingnen: daer uyt comen, Spaenschen raed, Inquisitie, Bloed-dorst, Heymelijcken haet, ende Balthasar Gerards. Ende op dander zijde moet staen, het Hoff van Oraingnen, daer uyt comen: Mijn Heer de Prince, Princesse, Gravin van Zwartzenburch, de Minne, den Hooffmeester. Captiteyns, Wacht, ende Hellebardiers, int middden moeten uyt comen de ghevluchte Brabanders ende Vlaminghen, de Steden ende Ghemeynte van Hollanders, ende de Vrijheyd des Lands met Graeff Mauritz. De Prince, Princesse, ende alle notabele Personagien moeten sijn ghecleed seer cierlijck naer den eysch, Inquisitie moet ghecleed sijn als eenen Iesuijt, met eenen witten over rock, hebbende een roede in haer hand: den Bloed-dorst moet leelijck ende in bloedighe kleeren ghekleed sijn, hebbende in d'een hand een bebloed swaerdt, ende in d'ander eenen Kelck vol bloeds: Spaenschen raed als een
Auteursrechtvrij