|
| |
Vande tweede Gheschiedenis, de eerste uytcomst.
Eenen Landman, Eersten, Tvveeden, Derden, der Crijchslieden.
Eenen Boer hebbende eenen korf ende een cruijck aen den arm.
OCh, vvat salt vvesen doch, vvat salt ten letsten zijn,
Ic vvord' gesonden nu om schapen-vleesch en vvijn,
En om goe hoendren ooc, jae cappers en olyven,
Niet mog'lick en ist claer, dat vvy huys houdend' blijven,
Koe, Kalf, het laetste peert, vvy zijnt doch schier al quijt,
Sy eten al goet vvit brood, om my te doen spijt:
Och gheen benouder vverck, ten is niet om verdraghen:
VVy settent vry al by, en crijghen t'lijf vol slaghen,
Ick hebber allen daeghs heel vijfthien inden cost,
| |
| |
Iae sonder Hoeren stout, als jonckvrouvven fray ghedost,
En dan de Guyts, diet al in tvvist en roeren stellen.
Ist om verdraghen oock? voorvvaer neent, by gants hellen.
Soo't noch iet langher duert, ick scheyder gheheel uyt:
Dan ben ick schelm, dan dief, dan Luteraen en guyt.
Als sy aen tafel gaen eer yemands daer vvilt eten:
Een stuck gouts moet daer zijn, ick en kant niet vergheten:
Tis seg' ick een diefs stuck, ter vverelt noyt ghehoort.
Och, dat den heelen hoop diep in zee laegh versmoort,
En vvy haer vvaren quijt, ten zijn maer Boeven,, al,
Ick mach gaen coopen ras, tgheen dat sy behoeven,, al.
Den Boer gaet in.
De crijchs lieden comen alle drij uijt.
vvaer mach den schelm den Boer, nu blijven doch so,, lang
Dat hy vrij com, ick salt hem maken vvel so,, bang,
Ick moet hem eens ter deegh zijn les, en mores leeren.
En bringht hy't niet al, hy sal noch eens vvederkeeren,
En cluppel, sal troef zijn, soo hy faelt dmeest oft minst.
Die eenen Boer leed doet, die doet ons eenen dinst:
Ic vvensch hen voor den Droes, hy blijft veel te lang achter.
De Boer comt weder uijt.
Ghy en soud' voorvvaer niet ghelijcken tot een Pachter:
Siet, vvaer hy alreed' is, Ian achter lam, treed soet.
Heb ick mijn dinghen nu vvel ghedaen, soo ist goet,
Maer selden ist te deegh, sy vveten vvat te segghen,
Tis te cort oft te lanck, sy vvetent t'over legghen:
De Boer comt bij de knechten.
Dus met een vvoordt gheseyt: tis eenen quaden hoop.
Ick siender daer een deel, siet Singnoors, hoe ick loop,
| |
| |
Mijn lijf is heel nat, van het overvloedich vvater.
VVat brenght ghy doch al, ghy roert soo uvven snater:
Salt oock al te deegh ziin, ist hier al inden korf?
Ghy vraeght so veel, dat ick seer qualick spreken dorf,
Daer is goet schapen vlees, en goe schoone capuynen,
En vvitbrood ooc genoegh, voor sulc een hoop scharluynen,
Al mijn ghelt is besteed, dat ick ter vverelt heb.
Veillaco, que dise, ghy crijght vvat op u reb:
Waer zijn de cappers, en d'oliven vvel ghesouten?
Dat vlees en ken ick niet, ick ken vvel schape-bouten,
Ick hebber op de merckt al om vvel naer ghevraeght.
VVel sullen vvy met hem noch langher zijn gheplaeght:
Sy slaen den Boer.
Slaet den Rabout doch dood, dat hy so stout comt lieghen.
Ey ghy doortrocken fiel, meynt ghy ons te bedrieghen,
Slaet hem zijn lijf om tvvee, slaet hem op zijnen sack.
Hola, hola, ick bid, doet ghemack, doet ghemack:
Ick bid mijns lijfs ghenaed', ick salse noch gaen coopen.
Ghy schelm, en doet ghy't niet, ghy sult noch so aenloopen,
De kan is te cleijn.
Is dit vvijn, die ghy brenght, vvel schelm, vvat pot is dat?
Hy gheckt claer met ons, gheeft hem eenen voet int gat.
| |
[Folio Ciijr]
[fol. Ciijr]
| |
O ghy doortrocken Boer, ghy betaelt vleus de ballen.
VVel vvat dunckt u ghy dief, is dit vvijn voor ons allen:
Hy steect den draeck met ons, voorvvaer hem naect gevveen.
Ten is niet half ghenoegh, ick drinck dit vvel alleen,
Maer ick vveet goeden raet, laet ons dit hier uyt drincken.
Sij drincken rond om.
Ist nimmermeer te deegh, den moet sal my ontsincken,
Dit spel duert ons te lang, ist vvonder dat t'hert treurt.
Daer Patroon, drinckt oock eens, drinckt dat 'thert craeckt en scheurt,
De Boer drinckt de kan uijt.
Drincket al schoonkens uyt, ghy moetet doch betalen.
VVel vvat sal ick nu doen?
Ghy sult vveer ander halen,
Een kan die grooter is, vvant dees is veel te cleyn.
Ick vveet vvat ons dient, juyst van pas soo ick meyn:
Hij haelt een groote cruijck.
Dat is den rechten pot, daer cond ghyt vvel in vaten.
Sou ick soo om vvijn gaen, dat sal ick seer vvel laten,
Ick vveet daer toe gheen ghelt, noch vvaer ickt crijgen sal.
Ghy hebt gheloof, en noch dry koeyen op den stal,
Dus maeckt u vvech, oft lijf vol slaghen sal u loon zijn.
| |
[Folio Ciijv]
[fol. Ciijv]
| |
Gaet brengt van als met, ghy sult ons een goet patroon,, ziin
Ghy sult med drincken, baes, dus neemt in als ghedult.
Ick heb u soo dickmael u darmen al ghevult,
Naemt doch eens een eynd' ic sou daer noch in verheugen,
vvant ick mach ooc vvel vvijn, al vvaert met groote teugen,
Dit seght den Landman al gaende.
Maer dit is de plaegh, dat soo dickmaels is te doen,
Maer overlast is nu doch al om int saysoen.
Gaen vvy ter vvijl in huys, het ghebraed aen't spit steken,
Gaet in.
Laet ons des boeren vvijf soo vriendlick eens toe spreken
Dat sy ons vriendschap doet, al zvvijghend' en al stil.
VVilt sy niet, sy moet vvel, dat is een cleyn gheschil,
De dochters met, t'moet vvel voor ons ziin ten besten, ooc
Vercrachten dan ist nood, sulcx doen vvy ten lesten,, ooc.
Gaen in.
|
|
Auteursrechtvrij