|
| |
Vande eerste Gheschiedenis, de tweede uytcomst.
Den Hopman, Eerste, Tvveede der Crijchslieden.
Den Hopman comt uijt met ses of seven knechten, al armelick ghecleedt, gheweer hebbende.
HOrt Crijchslieden cloeck vvy moeten op de been,
Dat niemant sy besorght, oft hy gelt heeft of geen,
Int Lant is gelts genoech, ja lecker genoech t'eten,
Het sijde laken vvordt met spiessen u ghemeten,
VVant tis doch al voor ons, gelt, goet, al datter is.
Eerste der Crijchslieden.
Hy, dats een Hopman cloeck, vvy vvillen u ghevvis
| |
| |
Oock troulick volghen naer, al souder den hals blyven.
En vreest niet, rijckdom sal aen ons, vvel haest beclyven,
Noyt sulcken crijch voor ons, noch geen gevvunster tocht.
Heer Hopman, als een vriendt, so het ghechieden mocht:
VVaer dat ghedijen sal, sou ick vvel vvillen vraghen.
T'vvordt u int cort verclaert, gheleden luttel daghen,
So vvas daer een Princes, Cassiope seer fier,
Die een schoon Dochter heeft, het alderschoonste dier
Dat daer op aerden leeft, en is als de volmaeckte:
VVaer door de Moeder haest tot grooten hoochmoet raecte
En in haer Dochter creegh sy groot behaghen goet,
Dvvelc nu een oorsaeck is, dat zijt beclaghen moet,
Door d'onbehoirlic stuck, dat sy daer ginck beginnen,
En seyd' sy schoonder vvas, dan al de Zee-Godinnen:
Dat sy haer sulcx vermat, vvas qualic daer ghedaen,
VVant soo haest vvorde dit van haerlie claer verstaen,
Deed' elc zijn clachten haest, aen Iupiter verheven,
Hoe dat Andromeda sulck een roem vvas ghegheven:
Int vvelck de Moeder, haer heeft ghethoont al te stout:
Beclaechden haer ooc dies, met tranen menichfout,
Begeerden daer vvraeck af, en dat in corter stonden.
En Iuppiter heeft sulcx seer boos en quaet ghevonden,
Des sendt hy ons daer heen, met volck, en dees heircracht,
Om sulcx te vvreeken, nu met ghevvelt en met macht,
Om het heel Landt al om in den gront te bederven.
Heer Hopman, elck een vvilt seer geeren met u sterven,
vvant den crijch vvort seer goet, voor ons Lans-knechten,, al.
| |
[Folio Biijr]
[fol. Biijr]
| |
Ick meyn dat elck met u vroom en cloeck vechten,, sal,
Nv het soo ghestelt is, elck sal hem ghereet vinden.
VVy moeten schier de schoon Maeght an een steenrotz binden,
En ooc bevvaren vvel, vvant haer naect groote vvee.
t'Zee-monster dat coemt haest seer schriclick uyt der Zee,
En sal de Maeght met cracht, dan heel en al vernielen,
VVy moeten dervvaerts toe, t'vvaer tijt dat vvy aenvielen:
Des als Crijchslieden cloeck, volght my al stoutlic naer.
VVy volghen alst behoort, den Hopman sonder vaer,
vvy sullen cloecklick staen, als goe ghetrou ghesellen.
Barmherticheyt die en mach u daer gheensins quellen,
Al sonder ghenaed' moet elck vallen in haer landt.
VVy hebben daer af doch (so ick meyn) goet verstandt,
Laet ons maer slechts begaen, ic hoop tsal seer vvel lucken.
Doet dan al vvat ghy vvilt, vvilt elcken een verdrucken,
Oorlof hebt ghy in als, en spaert noch groot, noch cleyn,
Het hoort u doch al toe, tis voor u doch al ghemeyn,
En laet niet ligghen, dan dat te heet, en te svvaer,, is,
Des gaen vvy cloeclic heen, tvvort u getoont dat vvaer,, is.
Gaen al in.
|
|
Auteursrechtvrij