Refreinenbundel

[CLI]

Way soonken hebdi alree ghedaen

Refreyn

IN een alte suuerlijcken camerken cleyne,
Verchiert ghelijck eenen gulden troone,

[p. 267]

 

Daer tbeddeken bestroyt was net en reyne

 

Met rooskens, lauender en mageleyne,

5

⁺ Met sayen gordijnkens gestelt ten thone,

 

Daer lagen ende speelden elck in persone

 

Twee alte amoreuse ghelieuen.

 

Si speelden alsomen es ghewone

 

Rechts also Adam speelde met Yeuen,

10

Si wemelden, si creuelden en si hieuen, ^{vs. 10}

 

Elc anderen helsende met soete snaukens;

 

Si duchten ooc of deen dander mocht grieuen,

 

In doochkens kijckende als ionge kaukens.

 

Hi keteldese, doen peepse gelijc de paukens,

15

Naer tvechten so wilde hi af staen;

 

Ic verlies mijn cracht, sprac hi, ic werde flaukens.

 

Doe seydse al hijgende ende hielt haer seer naukens:

 

Way soonken hebdi alree gedaen.

 

 

 

Met dat si dus lagen verwarmt int woelen

20

Vonden si hem beyden bloot en naect.

 

Hi wilder weer aen, si ghincker me loelen; ^{vs. 21}

 

Wa soonken, seydse, hebdi geen gheuoelen,

 

Ghi noopt mi dat die bedsponde craect.

 

Vrij mijn kint, seydse, siet dat ghijt vreeselic maect,

25

Ic ducht ghi sult mijn wentelkoets ontreken. ^{vs. 25}

 

⁺ Doe leydse mont aen ende heeft hem ontscaect ^{vs. 26}

 

Sijnen voorquispel dies hem sijn lenden besweken.

 

Hi hief sijn hooft op ende wildet wreken,

 

Tvrouken ghincker haer tegen setten.

30

Al soudic daer om alle mijn lenden breken

 

Ic en sal v nochtan geen goet spel beletten.

 

Hi werpt int gekijf en socht arketten. ^{vs. 32}

 

Way lief, v spel heeft mi te veel aen;

 

Mettien ontsanc hi haer buten der spletten.

35

Doen seyde dat vrouken niet om vernetten: ^{vs. 35}

 

Way soonken hebdi alree ghedaen.

 

 

 

Dus lagense vermoeyt half in onmachte

+ [f. 209 v°]

vs. 10 wemelden: woelden. - creuelden: krielden, dartelden; vgl. De Roovere 97.

vs. 21 loelen: sollen: vgl. De Roovere 106.

vs. 25 ontreken: beschadigen.

+ [f. 210 r°]

vs. 26 leydse mont aen: vgl. CXLII, 18.

vs. 32 arketten, van arket = gewelfboog? Wellicht echter leze men raketten.

vs. 35 niet om vernetten: voortreffelijk; vgl. LXXIV, 8.

[p. 268]

 

Dat si beyde duer noch venster en sagen.

 

Doe schoot hi haer toe met blijden gedachte

40

Daer tvrouken alte seer luttel op achte

 

En heeftse meersmanneken van tbedde gedragen. ^{vs. 41}

 

Si worstelden so lange datser beide lagen

 

Ende ghingen van nieus spelen tinteletene. ^{vs. 43}

 

Tvrouken schoot toe ende douden bider cragen:

45

Wat soudi mi doen, ia haddi mi alleene.

 

Hi stietse, hi stommeldese, si achtet cleene, ^{vs. 46}

 

Want tvrouken bleef altoos euen blije.

 

⁺ Si tracken stijf aen metten eenen beene;

 

Waer woondi nv, seydse, segget ghije.

50

Mi dunct, seyt hi, dat ick opten touter rije; ^{vs. 50}

 

Mettien viel hi seer slap ic waen.

 

Ic heb speels genoech, wat meendi dat ic lije.

 

Vrouken sprac: ha ha, ghi comt tontije,

 

Way soonken hebdi alree ghedaen.

 

 

 

Prince

55

Prince, tvrouken dat bleef al euen cloeck,

 

Al meer te spelen was huer ghewach.

 

Si douden van onder in eenen hoeck

 

Dat hi so bleeck wert als een doeck

 

Des hi seer blauwelick op haer sach.

60

Hi badt hare hertelic om verdrach ^{vs. 60}

 

Een ruyminge te doen wter baen.

 

Doen gaf tvrouken eenen soeten lach,

 

Nochtans verdroot haer en seyde: o wach,

 

Way soonken hebdi alree ghedaen.

[sluitstuk]

⁺ [houtsnede]

vs. 41 meersmanneken: (als een) marsdrager.

vs. 43 tinteletene: vgl. CVIII, 12.

vs. 46 stommeldese: duwde ze; vgl. CXLV, 35.

+ [f. 210 v°]

vs. 50 touter: schommel.

vs. 60 verdrach: wapenstilstand.

+ [f. 211 r°]