Refreinenbundel
(1940)–Jan van Doesborch–
Auteursrecht onbekend
[pagina 220]
| |
Refreyn
SCheyden is trefreyns beghinsel,
Scheyden is dwoort mijns dichts ynsel,
Scheyden is dleste dat ons gebueren sal,
Scheyden is alder vruechts verwinsel,
5[regelnummer]
Scheyden is een swaren bal,
Scheyden maect menigen ongeual,
Ga naar margenoot+ Scheyden maect droefheyt en misbaer,
Scheyden is pijne een voor al,
Scheyden van gode geen dinck so swaer.
10[regelnummer]
Scheyden breect alle geselscap goet,
Scheyden maect menigen droeuen moet,
Scheyden brengt den menigen in pijnen,
Scheyden verandert menigen sijn bloet,
Scheyden doet menigen sijn herte verdwinen,
15[regelnummer]
Scheyden is dwoort van sware terminen,
Scheyden gaet den menigen al te naer,
Scheiden is swaer, mer ic segge voor dmine:
Scheyden van gode, geen dinck so swaer.
Scheyden van vader doet wee den kinde,
20[regelnummer]
Scheyden van moeder is swaer allinde,
Scheyden van desen is niet so machtich,
Scheyden van lieue is meerder int ynde,
Scheyden van der werelt is alte crachtich,
Scheyden van gode maect menigen clachtich,
25[regelnummer]
Scheyden doet menigen quelen eenpaer,
Scheyden is druck, tis daer warachtich
Scheyden van gode geen dinck so swaer.
Prince
Ga naar margenoot+ Moet scheyden altijt v eygen bliuen
So maecter v vruecht in, ick segt voorwair.
| |
[pagina 221]
| |
30[regelnummer]
So cleeft aen god die sal v blijuen,
Want scheyden van hem geen dinck so swaer.
[houtsnede] |
|