Archief voor kerkelijke en wereldsche geschiedenissen, inzonderheid van Utrecht. Deel 5

XXIII. Transportbrief eener huysinghe ten behoeve van het nieuwe Collegium Willebrordi. Anno 1551 den 13. Augustus.

Dat voir ons quamen in 't gerichte Peter die Bruyn ende Catryn zyn huysfrou; ende gaven mit gesamender hant alse recht wysden over Wouter van Weede die jongen, ende Goessen Jansz., schilder, huysmeester inder tyt van Sunte Willeborts huyse ende bruederscap t'Utrecht etc., Evert Heynerickssz. die Greeff ende Jacob Nobel, gedeputeerden ende medebrueders van deselven huyse ende bruederscap; ende dat tot behoeff vande collegie van zeecker armen scholieren, dat men wt Sunte Willebords huyse, nu ter tyt wesende, transfereren zal omme dieselve scholieren ten ewygen dagen te loygeren ende t'onderhouden; die alinge huysinge ende hofstede, kelnaer, cluyse, van voren tot afteren, onder ende boven, also die staende en gelegen is after Sunte Pieterskerk, by der stadt walle, genoemt: laet die werelt die werelt wesen, dair Cornelis die Ridder zuytwerts boven ende die huysinge dair joffrou van Luneborch nu ter tyt inne woent, noertwerts beneden naest gele-

[p. 321]

gen zyn; ende sy vertegen daer off ende van allen rechts ende toeseggens, dat zy dair aen hadden, ende mede van allen brieven, die dair of ruerende zyn, tot behoeff voerg. alse recht ende oordeele wysden, dat zy sculdich waren te doen; ende sy geloefdent hem mede te vryen ende te waeren erffelicken ende ewelicken, op alsulcken erfrenten alse dair jaerlicx van oudts op staen ende wtgaende zyn, ende allen voirplichten of te doen. Ter selver tyt quamen mede voir ons in 't gerechte Alyt Jans dochter van Campen, ende gaff over schout quyt ende te goede met hairs gecoren mombers hant, dair sy etc., tot behoeff als voersz. alle alsulcke lyftochten ende recht, alse zy heeft aen ende totter huysinge ende hofstede voerg.; beheltelicken dat die voorsz. huysmeesters ende regierders vande collegie voersz. ende hoeren naecomelingen die selve Alyt Jans dochter voersz. hiervan jaerlicx wtreycken ende betalen zellen dertich Karolus gulden sjaers, tot hoeren lyve, so lange sy leven sel, op twee termynen, als Paeschen toecomende d'een helfte, ende Victoris dair aen d'ander helfte, ende so voirt jaerlicx, hoer leven lanck, ende nyet langer, in 't welcken die voersz. huysmeesters, present wesende, geconsenteert ende 't selfde dair op geaccepteert hebben, sonder arch.

(Naar een oorspronkelijk duplicaat).