XIX. De Koningin, regente, aan het Hof van Utrecht. (1546).
Marie, par la grace de Dieu douaigiere de Hongrye, de Boheme etc., Regente.
Venerables treschiers et bien amez, par charge de l'Empereur monseigneur, nous vous envoyons avec ceste, copie auctentique de l'instruction et ordonnance, faicte par sa Majte sur l'inquisition de la foy et la poursuite et apprehension de ceulcx, qui se trouveront culpables, charges ou suspects de heresie ensamble lettres patentes de sa Mate ordonnan. aux consaulx provinciaulx et tous aultres juges et officiers, de vous y donnere toute addresse et assistence, et rendre leur sentence conforme a lad. instruction et les lettres de placcart sur ce publiées, si vous requirons et de par sa Mte ordonnons, que ensuyvans les lettres de subdelegation a vous autrefoys envoyees, vous veuillez diligemment vaquer et entendre au fait de lad. inquisition principalement es pays de Gueldres, Frise, Overyssel, Groningue et Utrecht, et aultres lieulx circumvoysins estans en l'obeyssance de sa Mate, si l'occasion sy adonnoit, et faire proceder contre les delinquans selon lad. ordo. et instruction, comme il convient au bien et entretemment de nostre sainct foy catholicque; et affin, que puissiez en ce rendre le debvoir requis, nous vous envoyons pareillement lettres patentes d'assignation de vostre traitement et celuy de vos assistens pour le temps, que vaquerez hors de lieux de vos residences, si vous y veuillez acquitter, selon que sa Mate et nous en avons en vous la fyance.
A tant venerables etc., Nostre Seigneur vous ait en sa garde.
Escript a Binch, le xi jour de May, 1546.
Onderteyck.: Marie.
Lager: Verreyken.
En buyten op de rugge stont aldus:
A venerables etc. Messieurs Nicolaes a Nova Terra, evesche de Ebron et N. Prieur des frères precheurs à Zwol et chacun d'eulx.
(Uit het Tweede Memoriaal van den Hove, etc. f. 355 v.)
Auteursrechtvrij