Archief voor kerkelijke en wereldsche geschiedenissen, inzonderheid van Utrecht. Deel 5

XVI. Keizer Karel aan 't Hof van Utrecht, aangaande zaken van haeresie. (1545).

L'Empereur et Roy.

Chiers et feaulx, considerant, que, non obstant la publication des placcars par nous cy devant decernez sur l'extirpation des erreurs et heresyes pullulans en nos pays de pardecha, lesdicts erreurs et heresyes ne cessent et ne sont encores entierement extirpees; et desirant garder et entretenir nos subjects en l'obeyssance de nostre mere saincte eglise et nostre encienne religion, selon les ordonnances et ceremonyes du saincte siege apostolique, nous avons ordonne et decerne aultres nos lettres de placcart, que vous seroient envoyees avec cestes, et vous ordonnons, que incontinent les faites publier, entretenir et observer, procedant et faisant proceder contre les transgresseurs par executions des paynes y apposees, d'avantaige, nous avons avise, conclu et ordonne, que en chacun pays seront commis certains inquisiteurs

[p. 311]

pour prendre information contre ceulx, qui seront infectes d'aucunes sectes, erreurs ou heresies, charges ou vehement suspectez d'icelles, et proceder contre eulx suyvant la commission, qu'ils en ont par subdelegation de nostre Sainct père, le pape, et l'instruction, que leur ferons bailler, de laquelle vous en sera pareillement envoye le double; vous ordonnant et en chargeant bien expressement, que, sans avoir regard aux aultres affaires de vostre charge, vous ayez a donner auxd. inquisiteurs toute faveur, ayde, addresse et assistance a l'execution de leurd. commission, et de visiter ou faire visiter les informations et les proces par eulx tenus, toutefois que requis en serez, sans en ce prendre aucune excuse ou delay, sur autant, que desires nous obeyr, car nostre determinee intention est, que par tous moyens..... de extirper lesd. sectes, sy ne faictes en ce faulte comme qu'il soit.

Å tant, chiers et feaulx, nostre S^r. vous ait en garde.

De nostre ville de Maestricht, le dernier jour de Februier, 1545.

Soubsigne: Charles.

Plus bas: Verreycken.

Sur le dos: A nos ames et feaulx les gouv. premiers et aultres de nostre conseil d'Utrecht.

(Uit het tweede Memoriaal van den Hove prov. t'Utrecht, fol. 345.)