Archief voor kerkelijke en wereldsche geschiedenissen, inzonderheid van Utrecht. Deel 5

XV. Verzoekschrift van Lud. a Veno etc., aan Bisschop Georg van Egmont etc. (1539).

Reverendissimo in Christo patri ac Domino Georgio de Egmont, Dei et apostolicae sedis gratia episcop^o Trajecten., Vestrae reverendae Paternitatis orator, frater Ludolphus de Veno, conventus Campensis fratrum minorum regularis observantiae Trajecten. dioecesis guardianus, immeritus, omnimodam Reverentiam obsequiique promptitudinem pro viribus indefessam; ut juxta nostrae vocationis et status exigentiam animarum salutem valeamus, Deo auxiliante, commodius insistere, vestraeque paternae sollicitudini in charitatis obsequiis utilius deservire, hinc V.R. Pat. fratres sacerdotes moribus et scientia probatos, videlicet patrem Guardianum, L. de V., patrem vice-guardianum Gerardum Wyc, Conradum Stael, Joannem Knyff etc., duxi humiliter praesentandos, obnixius supplicans, quatenus eisdem mihique ipsi dignetur ad praedicandum verbum Dei et evangelicam doctrinam et super confessionibus vestrorum subditorum audiendis et poenitentiis salutaribus imponendis, auctoritatem et licentiam, ac si debita solemnitas servaretur, benigne impertire et nos pro legitime praesentatis habere. Quod utique faciendo, vestra nos obligabit Paternitas et ad Deum pro vestri status prosperitate et salute devocius exorandum, quam semper D. Paternitatem ac D.R.V. ipse Dominus Jesus, Pontifix summus et aeternus in omnibus feliciter conservare......

Datum in conventu nostro Campensi mei officii sub sigillo A^o. Dni xxxix mensis Februarii die 23.

(Naar kopij, geschr. d. A. van Buchell).