Archief voor kerkelijke en wereldsche geschiedenissen, inzonderheid van Utrecht. Deel 5

VII. Philippus de Bourgondia, Episcopus Trajecten. ad.... (15..?).

Fidelis atque dilecte, literas vestras de xix Octobris postremo decursi, nobis jam dudum praesentatas, cum per casdem statum quatuor materiarum et precipue Groeningen. satis bonum rescripseritis, grato recepimus animo. Et quia ex predictis literis vestris pro primo colligimus labores et favores tam Cesaree majestatis oratoris quam domini Guilielmi de Enckevoert, circa commissionis expeditionem in predicta materia Groeningen., plurimum profuisse, decrevimus eis una cum domino auditore, Duo Guilielmo Cassador, gratificatorias has presentibus alligatas scribere literas, quas presentari petimus, et per vos ab ipsis sigillatim inquiri, si quid ex partibus istis desiderent, tam sint panni vel tele linee tenui filo, vel alias artificialiter contexte vel tapeta, vel quicquam aliud, istic rarum, et non minus recuperabile, de hoc vestris literis certiorati, disponemus, quod eorum votis satisfiet, et si eorum affectio exactaque diligentia in negotiis nostris (ut nobis scribitis) fuerit fructuosa, ipsa quoque hujusmodi muneribus crescere et ad intentum fructuosior nobis effici possit..... Quantum ad materiam contra Delfen., mittimus vobis copias trium appellationum pro parte pred. Delfen. interjectarum instrumentorum desuper confictorum. Illas poteritis visitare, et, secundum exigentiam ad intentionis

[p. 299]

nostre fundamentum applicare, petentes, quatenus pred. materiam cum Groningen. summa diligentia velitis prosequi et sollicitare. Et quantum ad commissionem visitandi monasteria exempta nostre diocesis, cum R^de patre Domino preposito ecclesie nostre beati Joannis Trajecten., cui similiter scribimus, conferre atque prosequi, et impetrare aliud breve declaratorium hujusmodi commissionis seu brevis desuper expediti, videlicet, quod summus Pontifex, non obstante appellatione per religiosos de Wyndesem nostre diocesis totius ordinis regularium nomine interjecta, ab hujusmodi visitatione et ab effectu predicte commissionis, cum nullum precesserit gravamen, intendat eandem commissionem ad predictos Wyndesemen. extendi, quatenus vigore hujusmodi brevis declaratorii precedentis ipsi Wyndesemen. ad paritionem apostolice commissionis seu mandati viis et remediis in pred. brevi preceden. expressis compelli possint, et appellationis eorum effectus, quantum possibile sit, impediri, nobis per primum rescribendo, quid in predictis et etiam in causa contra Decanum de Naeltwyck, similiter circa licentiam testandi, quam habere petimus, obtinueritis, et omnia condigno salario remunerabimus. Disposuimus jam, quod preter et ultra sexaginta ducatos per vos hactenus receptos, alios ducatos sexaginta consimiles recipietis, istic a factoribus banchi Guilielmi Petri ex Mechlinia, cujus heredes in hiis partibus deinceps negotia nostra sint directuri, eo, quod Philippus de Gualteroti jam paucis diebus exactis, divina dispositione, diem clausit extremum.

(Naar eene oorspronkel. minute).