d'andere schepen naer advenant redelick groot, sonder noch 7 ofte 8 in't getal, dat coopvaerders waren, die hier ordre hadden, onse hollantsche straetvaerders, vuyt- ofte incomende, aen te halen, gelyck sy al eenige van die hadden becomen, hebbe naer alle ordre ende goede couraigie, den viant, opte rede leggende, onder 't geschut vande stat ende castelen aengetast, soe dat onsen admirael, den admirael vanden vyant met staende seylen heeft aen boert gesmeten, met noch hebbende, tot onse assistentie, capiteyn Moy Lambrecht van Rotterdam, dewelcke oock dateliken den voorn. admirael heeft geabbordeert. Den generael, eer wy in de bay quamen, heeft geordineert onsen viceadmirael met captteyn Bras te aborderen den viceadmirael vanden vyant, voor alle capiteynen twee ende twee, een van des viants galioenen souden aentasten, om also ons voornemen te volbrengen, gelyck wy naer vyff uren vechtens, met de hulpe des Almoghenden, de overhant onses viants hebben gecregen, soo dat vooreerst inden brant geschoten syn twee galioenen, als noch een inden gront, hebben continueliken tegens den admirael vanden viant seer geschooten. Ende, alsoe wy den Spaenschen admirael aen boort leyden, lieten wy ons ankeren vallen, omme daeraen te blyven, ter contrarye den vyant syn tauwe afhielt, dryvende aen de gront, soe dat wy van hem geraecten, niet tegenstaende denselven gedwongen, tot dat hy een vreedevaen of wit laken liet waeyen, teeken doende van op te geven, achte dat hy groote menigte dooden hadde, alsmede haren generael, die genaemt was Don Jan Alvares Davilo syn galioen, geheeten St. Augustyn, groot omtrent 400 lasten, ophebbende 21 metale stucken, den viceadmirael vanden viant, geabordeert synde van 4 ofte 5 onser schepen, hebben denselven doer 't schieten ende enteren verovert, maer also den brant in des viants vice-admiraelschip was gecomen, niet wetende hoe, syn onse schepen met alle neersticheyt ende niet sonder groot perykel van hem affgecort, brande
alsoo met meest al het volck, tot het water toe, niettegenstaende enighe van onse schepen door 't springen des viants cruyt, haer seylen inden brant geraecten, van gelycken wy oock al te samen soo veel hadden te doen, onse schepen te bewaren voor den brant, als 't mogelyck was; sommighe vanden vyant weecken met hare scheepen aen den gront als noch andere, die d'selve verlieten, leggende onder de stadt, jae oock den brant daerinne staecken, om dat wy geen proufyt daervan souden genieten. Den Spaenschen admirael, aen den gront, als voren verhaelt wesende, is 's nachts door 't hooge water driftich geworden ende aen de noortwal gedreven, welcken wy 's anderen daechs afgehaelt te hebben, maer eer wy daertoe quamen, heeft den viant denselven in 't vier opgeoffert ende in brant gesteeken, hetwelke was den 26. dito 's morgens, doen wy oock sagen, wat scade den viant by ons hadde geleden, also wy 21 schepen aen de reede vonden ende tegenwoordich maer 2 galioenen aen den gront lagen, die sy 's nachts soo hooge als haer mogelyk was, met noch een groot Fransch schip ende een jacht, die niet doenlyk waren af te halen off te branden, daer beneffens noch vonden drie Fransche coopvaerders, die haer in onse vlote begaven, somma, dat van alle dese scheepen, die wy alhier vonden, maer, soo vrunt als viant, overschoten 7 schepen, die reste soe duer den viant als ons, inden brant geraect syn, waeronder is geweest den admirael, den vice-admirael, schout by nacht, ende 4 grote galioenen, behalven alle d'andere voorhaelde schepen meer. Danck Godt almachtich, die ons door syn genade heeft laten winnen de overhand van onse vianden, mits zyne Goddel. wille is geweest, dat onsen generael Heerskerke door den eersten schoot vuytten den admirael vanden vyant syn slinker been tot aen 't lichaem toe is wechgenomen, soo dat de doot is dadelyck nagevolcht; den Heere wil syn siele genadich wesen, met noch een capiteyn, genaempt: Lange Hendrick van Amsterdam, als oock inde nombre van omtrent hondert
soldaten, als bootsgesellen inde geheele vlote, syn den 27. dito vuytte baye van Gibraltar t'seyl gegaen ende door contrarie wynt gecomen tsavonts op de reede van Tutewen, in Barbarien, daar wy naer d'ordre vande
Auteursrechtvrij