De warachtighe fabulen der dieren

[p. 210]

[Simme ende Catte]

Zulck crijcht zyn belief,

Tot anders grief.

Epist. Iude. Luce. 9.

DEse zyn smetten in haerlieder brasserien
Brassende zonder vreese int leuen
Hem zeluen voedende met leckernien
Wolcken zonder waetere bleuen,
Die vanden wijnden werden omme ghedreuen.
Murmureerders, niet pijnlicx handlende,
Dan naer huer eeghin lusten wandlende
Met den woorde Gods.zy spa en vrouch,, ghaen,
Maer lettel om me-wercken, d'hant anden ploech,, slaen

[p. 211]

Simme ende Catte.

EEn slimme // Simme // al veel lieuer dan loock
Ofte zitten inden roock
Smaecte // als zou angheraecte // wat beters somtijts
Zoo inden eerde daer onder veel holen ghesproock
t'Ionckwijf om braeden castaengien met asschen doock
De Simme leep, loerooghde dit ouer zijds
End' afionstich vul mijdts // al wast lettel proffijts
Heeft dese Castaengien goe ionste ghedreghen:
Zou reeckter van verre naer, om zonder veel respijts
Die wten viere moghen naer, om zonder veel respijts
Die wten viere moghen t'hebben ghecreghen
Maer vreesde d'heete weghen // om huer natuere // touuen
Nochtans naer d'oude pleghen:
Die t'zoete wil smaken, moet somstijts t'zuere // prouuen.

¶ Der Simme begheerte wilde lancx te meer vromen

Om de Castaengien te ghecrijghen wt t'vier
Dies heeft zy een Catte by den velle ghenomen
Ende metter Catten pooten, die wtghescraeft schier:
Zoo ghecreechse de Simme, zonder haer selfs dangier/
Zou peeldese // en speeldese binnen der naer:
De Catte caterooghde met een groot ghetier
De pooten gheheel verschoudt, vloogh fellick van daer:
De Simme monckefroyde wel eens voorwaer
Den eerdt scheen huer t'zijne alleene beuolen
Huer clokerende voor t'vier, zonder eenich bezwaer
Zulck rouckt niet wiens huus brant, waermt hy by de kolen.

Sghelijcx zijnder, gheestelick weerlick Heeren groot

Die andere menschen stellen inden noodt
Om yet te vercrijghen, oft huerlieder querelen voeren
Maer moesten zij zelue lijden den aenstoot:
Zij zoudent dickwils laten, ende niet aenroeren.