De warachtighe fabulen der dieren

[p. 208]

[Vanden voghel Phoenix]

Faelgiert ionckheyts iueght,

Vernieut v ter dueght.

Ephesi. 4.

LEght of den mensche, ende die gheheel of-gordt
Die naer begheerten der dolijnghen verdoruen wordt
Maer metten gheest des verstandts, weet vernieut dan
En den nieuen mensche, als Christen man
Die na God gheschepen is, doet clouckelick an
Elck zoo hy best can:
In de rechtueerdicheyt, helicheyt, ende waerheyt,
Daeromme aflegghende der lueghen zwaerheyt
Yeghelick met zyn naesten spreekt warachticheden
Want t'samen zijn wy onder elck anderen leden.

[p. 209]

Vanden voghel Phoenix.

DEn Phoenix eeghin voghel, niet zijnde ghepartuert
Als hy langhe heeft gheduert
Moghende drie hondert veertich iaren leuen
Ende oude gheworden, kiest ende willecuert
Een Boom staende ontrent een Fonteyne verheuen
Ende (als zoo wt propre natuere ghegheuen)
Maecter op een Nest, van meningherhande
Riekende Boom-tacken, hem brijnghende beneuen
Ghenouch in Arabien, binnen zijnen Lande
Dan als de Zonne schijnt alder heetst in huer rande,
Waeyt hy met zyn vlercken ouer t'nest daer
Om een nieuwe moghen worden, stelt hy t'lijf te pande:
Eyndelick t'hout ontsteeckt, midts der zonnen cracht, claer,
Dat barnende, so valt hy int vier openbaer
Verbrant hem zeluen tot asschen, waer wt zeer cort,
Een woormkin wast, daer af als voorwaer
Wederomme een nieu ander voghel Phoenix wort.

By comparatie, ofte figuerlick spreken

Bijden Phoenix gheleken
Mach Iesus Christus Gods eenighe zone wesen
Die (als tijt vervult was) an t'hout des Crucen ghebleken
Es inder liefden vier zoo worden ontsteken
Heeft hem zeluen ter doodt ouerleuert, midts desen
Niet gheheels bleef in hem, dies van hem op gheresen
Een zoet riekende offerande tot zijn Vader almachtich,
Midts welcker doodt, al tsamen wy zijn ghenesen
Tot in een nieu leuen vernieut, end' erboren warachtich:
Hy verresen vander doodt door hem seluen crachtich
Ende t'onsewaerts eendrachtich,, heb wijr by ontfaen,
Den Phoenix, die sterflick sal nimmermeer verghaen
Maer ons eeuwich by staen.