De warachtighe fabulen der dieren

[p. 74]

[t'Schemijnckel ende Vos]

Wilt na Gods ghebodt,

Deelen v ouerschot.

1e. Syrach. 35. a 4. Tob. 4. a..8. Mat. 25. d 35.

DEn behoeftighen helpt, wilt den naecten decken
Met v cleederen: en hebdy abundant,
Zoo gheeft ouervloedich in alle plecken
Maer hebdy weynich, gheeft naer aduenant:
Die haren naesten weygheren te doene onderstant
Met zulck als zy vermogen, en verlaten den aermen
God en sal met hemlieden niet hebben ontfaermen.

[p. 75]

t'Schemijnckel ende Vos.

TSchemijnckel t'welck moeste zyn naectheyt tooghen
Leyde den Vos voor ooghen,
Van zyn steert hem wat te deelne t'zijnder noodt
Die hy dickwils beclacte, zeer moeylick int drooghen,
Datse oock sleepte totter aerden, en veel ouerschoot:
De Vos ontzeyt hem, Martico bleef achter bloot,
De loose Vos excuseerd'hem oock goederhande
Sprack, al was zijn steert dicke, lanck, of hoe groot
Datse hem noch t'Schemijnckel niet en meshande,
De best ghecleedt behooren decken een andere schande.

¶ Alsoo zijnder oock vele des Vos ghelijcke

Gheveynstlooslick vast-houdende t'elcker stede
Die ouer van goede zyn, ende schadt rijcke,
Nochtans den behousteghen yet deelen mede
Gheneghen tot gheender bermhertichede
Liefuer laten de cleederen bederuen, verrotten,
Dan datmer de naecten me decken dede
Tot datse doorreden zyn vanden motten:
Die t'goedt niet ghel'ruucken, Inder aermen schoot beluucken,
Zijn aerme Zotten.

Wat baet den ghenen die veel heeft

Als hy niet en heeft, hem diet al gheeft
Om eeuwich ghedueren,
Een oordeel zonder ghenade hy hebben moet:
Die zijn naecte Broeder, gheen medeel doet
Maer t'allen hueren,
Salt hem ghebueren.