Eduard de Dene. Testament rhetoricael

[p. 166]

⁺ TWeede Liedeken
Dauids .20.^e psalme
Vpden Voys Myn zinnekens zyn my onttoghen
Om een die alder liefste myn

Die Cuenyngh zal hem verhueghen
O heere god in huwe cracht
zeer vroylick zyn / naer tvermueghen
van huwer zaelicheden macht
Zyns hertsen weynsch ghegheuen
hebt ghy hem heere ziet // hebt ghy hem heere ziet
end onghetroost verdreuen
in zyn Leuen
van alle zyn begheerten niet

Want zyt hem voorcommen schoone
In ghebenedydijnghe zoet
ghestelt vp zyn hooft een Croone
van dierbare ghesteentten goet
End hy heeft hu ghebeden
om lanck Leuen der naer // om lanck leuen der naer
ghy ghauet hem in vreden
(tzynder steden)
Tot inder eeuvvicheyt voorwaer /

In huvve zaelichede
zyn eere / die es groot daer by
Lof en groote schoonheyt mede
zult noch vp hem stellen ghij
Eeuvvich zonder verpercken
ghy hem ghebenedydt // ghy hem ghebenedydt
duer hu aenschyns Anmercken
(int verstercken)
zal hy met vruechden zyn verblydt

Die Conynck hoopt inden heere
end inne die bermherticheyt Al
des alder hooghsten zeere
dies hy beroert niet wesen zal
⁺ hu handt moet zyn bevonden
van al hu vyanden quaet // van al hu vyanden quaet
hu Rechter handt tallen stonden
(int duergronden)
moet vynden huwe benyders Raedt

+ 84 r

+ 84 v

[p. 167]

 

Ghy zultse zyn Regierich

 

met eennen fellen grammen moet

 

ende als een ouen vierich

 

zal god verschricken dit ghebroedt

10

ende tvier zalse verslynden

 

huer vruchten van EerdeRyck / huer vruchten van eerdeRyck /

 

en zullen zy niet vynden

 

(hoe zy pynden)

 

huer zaet bederfuen alle ghelyck /

 

 

15

Wat quaet zy hu toekeerden

 

en hebben verziert / een boose last

 

Veel Raedts zy oock vermeerden

 

maer mochten die niet maecken vast

 

Dus heere naer hu behaeghen

20

ghy zultse ter Rugghe zaen // ghy zultse ter Rugghe zaen /

 

met hu ghewelt veriaeghen

 

(tallen daeghen)

 

ende benautheyt / doen ontfaen

 

 

 

Ghy zult o heere spannen⁺

25

hu stercke pesen in hu aenschijn

 

zijnt vrauwen ofte Mannen

 

in huwe cracht / gherecht vvilt zyn

 

verheuen in hu duechden

 

dan zullen zynghen vvy // dan zullen zynghen wy /

30

ende Louen met vruechden

 

(in ons iuechden)

 

Al huwe crachten / oock der by

 

 

 

Gloria patri

 

 

 

Glorie zy Almachtich

35

god vader zuen / end helighen gheest

 

⁺ Alsoo die was eendrachtich

 

zonder beroerelicke tempeest

 

Ende zal zoo eeuvvich blyfuen

 

eeuvvich zonder verghanck // eeuvvich zonder verghanck /

5

eeuwich eeuvvich beclyfuen

 

int verstyfuen

 

in eeuwicheden eeuvvich Lanck /

+ Secundum hebreos.

+ 85 r