Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermd
[pagina 168]
| |
Iherusalem wilt screyen niet
want ic com hu verlossen ziet
ende beschermen mede
dus dheere god tRoupen dede
15[regelnummer]
Voormaels eeuwich int beghin
end huut een Liefmoedeghen zin
zand hy nedervvaerts tonser vrame
zyn helich woord Eersame
Die eeuvvich ongheloghen // leeft
20[regelnummer]
de hemelen gheboghen // heeft
ende neder heeft willen daelen
Binnen dees eerdsche paelen
In maria die zuuer maeght
die god den heere heeft behaeght
25[regelnummer]
duer tshelichs gheest omghorden
Es twoord daer vleesch gheworden
Iesus zoo mensschelick ghezuent
end heeft in onslieden ghewuent
end hebben ghezien warachtich
30[regelnummer]
zyn glorye Eendrachtich
Een glorye claerlick certeyn
des eenighen gheboren Reyn
vul gracelicker zeden
ende vul warachticheden /
Ga naar margenoot+ Tsvaders woord es hy voorwaer
ghetrauwe in zyn woorden claer
ende tot ons verstercken
helich in zyn ghewercken
5[regelnummer]
Een brudegom der Christenheyt
een vreedzaem prinche es hy ghezeyt
een eenich middelaer bleuen
Onse wech Waerheyt en Leuen
Een Conyngh een ghenaeden troon
10[regelnummer]
der drievuldicheyt een persoon
Ons hope Tot allen stonden
een schultoffer / onser zonden
Tlam gods twelck tsweerelts zonden ofdoet
ons helicheyt en gherechtheyt goet
| |
[pagina 169]
| |
15[regelnummer]
stercke diet al can dwynghen
Een heere alder dynghen
Onse voorspraecke zo es hy
eeuwelick zynen vader by
ons milde spysenesse
20[regelnummer]
End ons verRysenesse
Wilt screyen niet Iherusalem
gheen ander god dan ick en bem
Roupt hy tot adams weesen
vvilt hem Liefmoedich vreesen
25[regelnummer]
Lof dies den heere toebehoort
in een godsvruchtelick Accoordt
Looft blydelick ghewuene
den Leuende gods zuene
Danct zynder moeder als ghegroet
30[regelnummer]
een peerle vul alder oetmoedt
vvant duer huer vrucht ghepresen
zyn wy alle ghenesen
Lof vader zuene helich gheest
een god drievuldich crachtich meest
35[regelnummer]
hemel eerde zal ontstyfuen
maer ghij zult eeuvvich blyfuen /
Ga naar margenoot+ Die dit heeft gheComponeirt
vleesch weerelt zonde hem tribuleirt
veel hoorende Als de doofue
heere god sterct zyn gheloofue
|