Verzameld werk. Deel 2. Gedichten

[p. 81]

Talbes

pa mi amigunan boneriano

Talbes ta bolbe e día
un día di puru alegría
of un nochi di puru tristeza
di luna cla bo'i pal' i sía.

Talbes ta bolbe e día
cu cadushi i pal'i sía
ta braza otro na Boneiru
cu cariño di famía.

Talbes ta yega e día,
tur maishi tin nan simía,
cu hasta obrero i capitalista
ta reuní cu simpatía.

Talbes - me di'ey ta leew ainda
mas leew cu cunucu di Ma Linda.
Ma por fabor no perdè fe ni esperanza
no obstante tur nos pena na caminda.