Oratio VI.
Vt caelestibus donis sincerè vtamur, ijsque respondeamus.
DEus, à quo bona cuncta procedunt, qui & cunctis tibi placere volentibus infinitas de te benè merendi occasiones elargiris, vberemque tam salutaris studij progignis effectum: Da nobis, quaesumus, in hoc opus gratiam singularem, vt tantae beneficentiae grati aestimatores, omnibus tuis datis & donis ad maiorem tui nominis gloriam, & salutis nostrae profectum ampliorem, vti valeamus. Per Christum Dominum nostrum. Amen.
SOLI DEO HONOR ET GLORIA
Auteursrechtvrij