Occasio arrepta. Neglecta

Schemat. 2. Cap. 2.

Alijs praeterea exemplis, Angelorum circa occasionem declaratur officium.

LIceat his saluo boni Lectoris iudicio intertexere, quo⁺ modo & Angelus Balaamo à recto aberranti, tempus, & occasionem, Deique numen ad resipiscendum opportunum adhibuit: cuius rei gratia, & ipse stricto gladio eum à malo⁺ coepto diuertere conabatur; & asina (cui insidebat, quamque⁺ crudeliter, quòd plus ipso saperet, caedebat) Dei nutu articu-

+ Balaam. Angelici ministerij exempla.

+ Num. 22.

+ 2. Pet. 2.

[p. 17]

lata verba humano more locuta, increpabat.

Quum duce Iosue, Iordane siccis vestigijs transmisso,⁺ regna gentilium populo Israeli à Deo promissa venirent expugnanda, primaque omnium Iericho, ciuitas munitissima, se offerret; in tam ardua rei gerendae prouincia, opportunam ei praebuit Angelus occasionem, qua & ipse animaretur, & optatam victoriae palmam reportaret. Cùm etenim esset Iosue in⁺ agro vrbis Iericho, leuauit oculos, & vidit virum stantem contra se, euaginatum tenentem gladium: perrexitque ad eum, & ait; Noster es, an aduersariorum? Qui respondit, Nequaquam; sed sum princeps exercitus Domini: Et nunc venio. &c. Quasi dicat: En, tempore opportuno me offero, & quidquid ad rem tantam ritè conficiendam erit necessarium. Eiusque occasione, ductu, & praesidio, diuinam expertus est opem in Ierichontina ciuitate mirando modo subigenda, totaque illa infidelium regione occupanda.

Sic Angelus Gedeoni, quem virorum fortissimum⁺ salutabat, occasionem percommodam, tempusque conueniens, & caeleste auxilium ministrauit; tum quò in spem certam collapsae rei restituendae assurgeret, tum etiam re ipsa conceptam mente victoriam consequeretur. Arripuit occasionem, oblatamque caelitus opem, hostes fudit fugauitque, & contribules suos Deique cultum iam penè pessundatum, ab intoleranda illa profanarum gentium iniuria vindicauit.

Angelus peste caedens populum Dauidi apparens, ei⁺ tempus miserendi, & locum sua praesentia placando Deo propitium designauit; omnemque, Propheta Gad interprete, praebuit occasionem, altaris in area Areuna Iebusaei constituendi, offerendique holocausta & pacifica: & propitiatus est Dominus terrae, & cohibita est plaga ab Israel.

Tobiae cùm seniori tum iuniori, & tempus opportunum⁺ & occasionem optatissimam, necnon diuinum auxilium suo ministerio Angelus Raphael suppeditauit, tam ad iter ignorum tutò conficiendum, pecuniamque desideratam requirendam, quàm ad vxorem bonam diuino nutu iuniori procurandam, patrique visum mirando modo restituendum.

+ Iosue.

+ Ios. 5.

+ Iud. 6. 7. 8. Gedeon.

+ 2. Reg. 24. Dauid.

+ Tobias.

[p. 18]

Iudith heroina illa non tantùm inter mulieres sed &⁺ inter viros à D. Hieronymo cum primis laudata, procuratâ per Angelum eundi redeundique facultate, dataque eiusdem patrocinio opportunâ & temporis & rerum occasione, intacta permansit, hostem confecit, & populum Dei ab internecione imminente conseruauit: vt ipsamet hisce verbis contestatur: Viuit Dominus, quoniam custodiuit me Angelus eius, &⁺ hinc euntem, & ibi commorantem, & inde huc reuertentem. Momenta temporis, & rerum euenta hauddubiè adaptans sanctae illius viraginis intentioni; quasi vbique & quouis tempore occasionem suppeditans, rei peragendae cum primis opportunam.

Innumera sint, si singula persequamur, quae per Angelos praestita sunt bonae occasionis argumenta. Vnum adijciam, quo nihil illustrius in hoc genere desiderari possit. Angelus benedictae virgini, Domini nostri genitrici Mariae, administro Iosepho, occasionem tempusque opportunum suggessit, ad fugâ in Aegyptum, se cum puero Iesu, Herodis insaniae subtrahendum; & tempore dein conuenienti, oblataque noua occasione iterum inde remeandi. Mortui sunt, inquit, qui⁺ quaerebant animam pueri.

At, quid mirum in Domini matrisque eius id procurasse obsequium, cùm & tribus Magis, tum vt quae nocitura videbantur declinarent, tum vt incolumes in patriam regrederentur, occasionem consiliumque suggesserit, quò per aliam viam reuerterentur in regionem suam?

+ Iudith.

+ Iudith 13.

+ Matth. 2.