Oratio I.
Ad benè vtendum Occasione, alijsque Dei muneribus.
OMnipotens sempiterne Deus, qui cùm in aeternitate tua ineffabili, nullius indigus, fonsque omnium bonorum, in te solo solus, thesauro tuae diuinitatis fruereris, & compleres omnia; singulari tuae bonitatis instinctu, & tempora & vniuersa creata in humani generis vsum condidisti, magisque adhuc admirandâ misericordiâ in fine saeculorum Tempvs speciale gratiae, in collapsae stirpis nostrae reparationem consignasti: Da nobis, ita gratiae tuae tamque opportuni temporis salutarisque occasionis munera venerari, vt cum electis tuis, in beata illa aeternae gloriae felicitate, gaudere mereamur. Per Christum Dominum nostrum. Amen.
Auteursrechtvrij