Mosalect. Bloemlezing uit de Limburgse dialectliteratuur

[p. 256]

[p. 257]

Oethawt
Raandaals

Der oethawt is dao, en de grave zint greun
En de paereboum sjtònt in de bluj;
De bookvinke sjpringen in hèggen en sjtruuk,
In de weije, dao bieze de kuj.
De zjwalber kumt ouch noe weer heim van de reis
Nao 't dörpke van haor gebaort'
En vinkt nog mit vruid et awt niske teruuk,
Aan de traeve*, dao ònger gen paort!

't Fiejuelke dat bluft ònger brièmen en graas
En der maelder, dae flöt in de hèk;
Dae ruek en dae klank haat ouch deep i mien hart
Get weer oet ziene sjlòmmer gewèk:
Dat is ei verlange, zoè mechtig en groèt
Nao 't dörpke va mien gebaort',
Noch ins in der oethawt* van 't laeve te sjtao
In 't huuske, dao ònger die paort!

H.A. Eussen