Mosalect. Bloemlezing uit de Limburgse dialectliteratuur

[p. 255]

Oavend in der herfs
Nieuwenhagens

Noe hat der sjtórm zich néérgelaag:
De beum sjtónt oane winke,
't Lank lik in de oavendzón
Va natigheed te blinke.

Noe hat 't reeëne ópgehoeët,
't Reeëne en 't jage.
En maenig zónnig zoeëmerblad
Lik iggen eeëd begrave.

Mie hats, dat ummer roaze moeët,
Is 't noe gedoa mit jage?
En haste wat vergaange is
Och deep in dich begrave?

P. Hermans