Mosalect. Bloemlezing uit de Limburgse dialectliteratuur

[p. 229]

Es d'n appelboum bleujt...
Meerssens

Sjniederke, sjniederke,
Maak mich 'n brook,
Sjterk moot ze zeen
Van 't bèste zjwart lake,
De booijem van binne
Gevoord met sjtief dook
Sjniederke, zèk ins
Die kins te jao make?

Sjniederke, sjniederke,
Daobiej e'ne jas,
Breit in de rök,
Van acht're mèt sjluppe,
Wied in de sjouw're,
Aan den hals good van pas,
Veerkentig vèur
Mèt twiè rechte tuppe.

Sjniederke, sjniederke,
Ouch e kammezaol,
Dobbel voor in de rök
En ouch in de lessje,*
Twiè rieje knuip,
'n Gaspel* van sjtaol,
En dink veural dr'aan
E paar deepe tessje.

[p. 230]

 

Jenneke, menneke,

 

Wat bès te van zins,

 

Da's, biej m'n zièl,

 

'n Broelofsmantoering.*

 

't Is wie's te zèks,

 

De raoijts 't op ins,

 

Mè maak ze op tied,

 

Of te kriegs 'n pandoering.

 

 

 

Sjniederke, sjniederke,

 

Zèk, wos t' et nog neet

 

Es d'n appelboum bluijt

 

Dink ich te trouwe,

 

De kieks mich zoi aan...

 

De band weurd gesjmeed

 

Veur noe en altied

 

En 't is e'ne gouwe.

 

 

 

Jenneke, menneke,

 

Dat deis te van pas.

 

Es 't vreugjaor is dao

 

Vluug de biej nao de blòmme.

 

'ch Keveer* dich te veur

 

Kammeraod, brook en jas

 

Die höbs te op tied,

 

Al kump wat maog kòmme.

 

 

 

A. Wehrens