Mosalect. Bloemlezing uit de Limburgse dialectliteratuur

[p. 79]

Neet vuër hen
Hoensbroeks

Neet vuër hen
die in hunne hoeëvaard
sjpieje op wae ermood drieëgt in de ploewe van zne mantel
en zie krank laeëve vurwats sjlépt aan eine sjtek -
neet vuër hen
zulle vr lampe te brenne hange
vuër de vinstere van ós hoes
dat ze 't vinge zulle es ze langsj gónt in de nach!

Neet vuër hen
die óm dr ieëlendj van hun zieël
'ne houte raam va bónte pepiere boewe.
- zoeë sjleit men óm ein gebasjte vaas
'ne dook va vlammetige kluëre -,
neet vuër hen
zulle vr vuur aamake in dr haeërd
dat ze zich werme kónne
es ze ziepentaeëre van dr raeënge langsj gónt in der nach!

Neet vuër hen
die zich 't laeëve gelje
mit de gouwesjtökker van hun sjoeën wuërd,
die langsj de lödder van hun sjmeichelerië*
klumme op 't vootsjtök aan dr pelaeër -
neet vuër hen
zulle vr de duër op doeë
es vr hun vootsjtep huëre sjtampe in dr nach!

[p. 80]

 

Neet vuër hen...

 

ieë ze de luënge* zich oetgebrand höbbe

 

en voertgesjneje de ergernis en 't bederf.

 

Mae vuër alle

 

die zich klein veulen en krank, -

 

die mit gebaoëge kop en lief zich ringe* mit dr windj, -

 

die veulentaeëre mit de henj dr waeëg zich zeuke doeër gn duuster

 

 

 

en aan de sjtruuk zich óptrèkke

 

es ze oet de baan gelitsj zind, -

 

vuër die alle

 

die 't sjwaoër vilt

 

hunne augs te gaoë berme* in de sjuur van dr Hergod,

 

zulle vr fakkele hangen aan alle ekke* van ós hoes,

 

de vlamme van dr haeërd zulle hun doeër de vinstere binne rope,

 

en wagewied sjtónt de sjtiele van de duëre vanei!

 

 

 

Paul van Hoensbroek