Mosalect. Bloemlezing uit de Limburgse dialectliteratuur



[pagina 76]


[pagina 77]
Käoëldesj-gebed Hoensbroeks Es ich sjterve Hergod mót, da laoët mit baoëve mich dr daver van dien zón mich sjterve God, en neet: laoët ónge sjterve mich, es ich sjterve Hergod mót, mae baoëve, woe mien zieël, mien käoëldesjzieël, ka klettere langsj sjtraoële van dien zón vüërbie de zón en al de sjtarre, raegelrech nao Hergod, tich, es ich sjterve Hergod mót! Neet ónge, Hergod, óngen in, laot sjterve Hergod mich: dao zou mien zieël, mien käoëldesjzieël, die auch subtiel en fien is wie de bèste boaëve, zich vervieëre vuër de hakkesjlaeëg,* dr hoemel van de sjuuët en 't berregkrake...
[pagina 78]
Mae mieë nog Hergod, vuër de vleuk, die sjrikkelikker krake es et krake van dr berreg, de sjlaeëg en dienamietsjuuët en beventaere zou z' es ich sjterve óngen in mót, Hergod, sjwaeëve mótt' en sjwerve hot en haar bis ze dr daag vóng en 't leech. Daoróm: es ich sjterve Hergod mót, da laoët mit baoëve mich dr daver van dien zon mich sjterve. Paul van Hoensbroek