Mosalect. Bloemlezing uit de Limburgse dialectliteratuur



[pagina 75]
Et heimelik plezeer... Hoensbroeks Et heimelik plezeer get werms te veule kläöëre: - ein witte bloom blujt op in-eins baoëve 'ne sjwarte wieër - mieë is i wuërd neet te verneumen es et käöëre va wat get sjoëns dich deit - al käöërt et dauzend kieër... Et heimelik plezeer gedanke te zieë sjwaeëve en die i klank te vange van ein eige kluër en krach, ze naeëven ei ranzjeere bis dr reigel baeëve en sjokle geit wie hawf te vuëre waoër verwach... Et heimelik plezeer de reigele te waoëge, va jieëder ein apaart te kònne veule wie ze gònt en ze gepaard te zieë es dans va waterlaoëge die rölsentaeëren achter ei zich naoë dr oover sjlònt... Et heimelik plezeer et vaeërdige werk te laeëze om obbenütsj te käöëre al de bliedsjap achter ei... En et nuut plezeer: get heimliks va zien eige waeëze verdütsjt te ving', is sjònder wie de angere bie ei! Paul van Hoensbroek