Mosalect. Bloemlezing uit de Limburgse dialectliteratuur

[p. 63]

Waatersnoeëd
Heldens

En den Hieër sjtaak Zienen errem op
en de zieë kwaam óvver et langk
en et langk waas zieë...

Dit laas ich van Noë
umdet te minsé ónraech dieë
en d'n Hieër doorsten te terrege
in Zie gezaoch.

Mer wie E zaag det te doeë,
doezjende doeë,
dreven in et water
um de zunj van de werrelt,
dao heufde-n-E Zien hangk op
en terök trooch et water
nao woe et altied gewees waas.

En Hae dach wie Zie Kruuts
ins sjtaon zoo teusse sjoeften* en sjójjers.*

Den Hieër hèj kómpaossie:
et langk veel druuëg,
de doef pikde-n einen olieftak
oet ten toter* van den bóngerd,

de minse troochten oet Noë's sjeep,

ze nomen de kans die Eur den Hieër hèj gelaote,
de leeste kans
en dinden Um.

Krieëmers Wiel