20 1(De Joanne Soreth O. Carm.)
2Sane Patrum memoria accepimus et contestantur monu-
3menta, pium perinde et eruditum Patrem e Francisca-
4norum observantia, cui Joannes Brugman nomen erat,
5virum ut tunc aetas per totam Germaniam in reliquis
6insigniter eruditum, maxima vero eloquii gratia et fama,
7cum aliquando e suggestu concionem haberet ad populum
8et ex sermonis instituto plura de quatuor Mendicantium
9ordinibus intexeret, ejusmodi veritatis testimonio nostri
10Joannis Sorethii adhuc in vivis degentis virtutem conde-
11corasse, quo nemo gloriosius a morte expeteret. ‘Is est,’
12ajebat, ‘Pater Sorethius ovium sibi commissarum vigi-
13lantissimus pastor, vir utique juxta cor Dei. Dispensator
14fidelis, non sui modo ordinis lumen columenque, sed reli-
15quorum insuper Mendicantium praesidium et immobile
16firmamentum. Fecisses utinam, Deus immortalis, ut ta-
17lis tantusque vir regendae Minorum familiae nobis a tua
18misericordia concederetur! Quam felici cursu fluerent
19res nostrae, quam admirabili cremento effloresceres, mea
20Religio amantissima!’
(walterus de terra nova, Vita B. Joannis Soreth, in Expositio paraenetica in Regulam Carmelitarum auctore B. Joanne Soreth, S. Omer 1894, 33)
Auteursrecht onbekend