Die Darfelder Liederhandschrift 1546-1565

[p. 136]

Nr. 72aant.

⁺ I.
Fynes leyff, ich moss dych lassenn,
unnd far dayr hynn myne strassen,
so fernn en fromde landtt.
des moss dych godtt bewarenn¹,
vor allenn unfall sparenn,
byss ich baldtt wydder kum zu dyr.

II.
Ich haltenn vor geynenn frommenn,
wylcher mych meynn feynes leyff haytt genamen²,
ich weyss es ym geynenn danck.
des drap ich aver de heyde,
vonn dych, hertz leyff, ich nu scheyde,
dencke aber duck unnd offt dayr an.

III.
Fynes leyff, du schalst nycht wenenn³
um dynem bolenn allene,
scholst habenn eynen fryschenn moett.
ich wyll⁴ dych nychtt aver gebenn
de wyll ich have das leven,
unnd aver keme ich des keysers goett.

IV.
So helff mych godt unnd sunt Anna!
dayr mytt far ich vonn dannenn,
godtt wyll unser geledes mann synn
yn allenn unsenn dyngenn,
das uns nycht myslynge,
godt beware de leybste meyn!

* _* *

Enych unnd Elende byn ich,
Dem das erbarmet, de trost mych.

B D E

Zeichnung: zwei verschlungene Hände

E. gra. zu Sdtouwenborch

+ Bl. 77 r^o

1 Hs.: bvarenn.

2 Hs.: genanen.

3 Hs.: wenenm.

4 wyll fehlt in der Hs.