Die Darfelder Liederhandschrift 1546-1565

[p. 135]

Nr. 71aant.

I.
Soe wuyns ych oer eyn gude nacht⁺
bey oer ych was alleyne,
wye freuntlych das sy soe myr sprach.
‘wyer tve wyr müssen scheyden;
ych enscheyd mych wydt,
godt weys dye syt,
weder kommen brenck ons froeuden’.

II.
Dye ruter aver dye heyden reedt,
hy smet syn roeslyn omme:
‘hyr aen gedenck my fynes lyeff
und kyrt dyn rede nycht omme;
godt geefft geluck
und nummer soe ruck,
ghy synt myn herstsen eyn kroene’.

III.
Dat fruntlyn up der tynnen trat,
hy hoeff sich aen soe weynen:
‘hyr aen gedenck myn fynes lyeff
und laet my nyet alleyne.
kyrt weder om bald,
myn haepen unt haelt,
loest myr ut svaren trouren’.

IV.
Dess lestmaell doe ych by oem wass,
fruntlych myt oem soe schertsen,
wye fruntlych dat hy soe myr sprach:
‘nu wylt ons godt behueden
voer schemp und scherst,
och scheyden brenckt smerst,
du bust myn herstsen eyn kroene’.

* _* *

Woest mennygher mynen Syn
ych waer lyver dan ych byn.

G. Smullych bun ych genant.

+ Bl. 73 r^o