Die Darfelder Liederhandschrift 1546-1565

Nr. 43aant.

I.
Blaw blomen auff der heyden,⁺
ich bid, vergiß nicht mein,
unnd seind wir beyde gescheiden,
mein hertz sall bey dir seyn
biß an mein lebens ende.
ich will mich vann dir wennden,
ach scheiden, du brengst¹ mir pein.

II.
Verlangen thut mich krencken
unnd brengt mir schweren mudt
wann ich ann sie gedencke
verwandelt sie mein bludt²
darumb das ich sie muß meiden
brengt mir heimlich leidenn
ich hoff eß sall werden gudt.

III.
Woll auff gluck mitt frewden
und ker dich wederumb,
unnd seind wir beyde gescheiden,
wie bald ich wiederumb komm³!
denn kleffer all zu neyde,
dem deuffel all zu leyde,
Gluck⁴ ker dych wederumb!

1551
A B D E
Anna v. Bronkhorst u. Battenborcht

+ Bl. 38 v^o

1 1 Hs.: brenst.

2 Hs.: blaidt.

3 Hs.: koinn.

4 Hs.: Gluch.