Die Darfelder Liederhandschrift 1546-1565

[p. 66]

Nr. 12aant.

⁺ I.
Alles leidt mych scheiden kreinck,
brengt mer ein heimlych lyden,
wan ich an syn truwe gedenck,
dei ich so swerlych moeß myden.
gans an schuldt     ungeffal mych duldt,
dei mych eitz brengt an scheiden,
durch myn hertz steitz streifft und weifft,
hofft ungefall wurdt sych weinden
und mych an rou
in steidiger truw
inn syn truren sendenn.

II.
Frundt, ich ffar in lydes graff,
myt suichten swer an massen,
noch troist er mych, sprach: hoffnug haff,
ich wyl dych nit verlassen.
holdt dyn bescheidt     umb leyff noch umb leidt,
wyl ich dych nu aff kerenn,
des ich geinßlych in hoffung bein,
du wyls dyn hertz nit krencken
und mych an row
inn steidiger truw
in din hertz doein seincken.

III.
Helff godt, schych mer genadt und zyt,
das ich bey dem muicht wunnen
bei dem, dei mer in hertzen leidh,
myns hertzen frouedt ein kronnen.
zytlych nit mer     ich eitz beger
van dir zu haffen
so vor myn hertz     und allen smertz
verswunden weir mer myn lyden
haylff godt schyck
mit genade und geluick
zu samen uns beiden.

1550

Godt Bavenal Elsbet van Bronckhorst und Battenborch

+ Bl. 21 v^o

[p. 67]

Auf dem sonst leeren Bl. 22 r^o ist unten eingetragen:

15	*	53
	18

Coeur quy desyr na Repoys
S. v. Holtorp