Afrikaanse volksliedjies. Deel 2. Minneliedjies

43. ‘Daar kom die trippelaar.’

Lettie is seker 'n koketjie wat vir Frits sal vastrek, want ‘Sy was glad te slim vir hom’. Frits de Jager (spreek uit: de Jaar) kom seker nie net vir die Nuwe Jaar nie! Dit is die geleentheid vir feestelikheid, vrolikheid en vryery! Frits het

[p. 152]

miskien 'n strepie vooruit met sy trippelaar.... sy ryperd wat blykbaar blink gevoer en glad gereskam is.... vir die Nuwe Jaar! (vgl. ‘Hier sit ek onder die hoogte’, No. 28 onder rubriek C). Maar wat het die ryperd, want dit is tog seker geen merrie nie, dan met 'n vul te doen? Of is ‘vul’ 'n spotnaam vir die trippelaarryperd? Of is dit maar somaar 'n rymstop?

Daar kom die trip-pe-laar, Die trip-pe-laar van Frits de Jager,
Hy kom vir die Nu-we Jaar: Ja, dit sien jy aan sy haar!

Hy kyk eers om so na sy vul,
En dag dat Lettie hom wou kul;
Maar sy was glad te slim vir hom,
En wink vir hom om na huis te kom.’

(Mondelinge oorlewering).