Afrikaanse volksliedjies. Deel 2. Minneliedjies

26. ‘Wewenaars lied’.

Daar is in die bewoording van hierdie minneliedjie geen aanduiding te vind waarom dit juis 'n ‘Wewenaars Lied’ moet genoem word nie, 'n benaming wat ons alleen deur die oorlewering besit. Die onbekende minnaar ry ver: ‘ses-en-twintig uur’, met Witvoet en Hartbeesvanger en sy booi na sy Sarie, wat sy ‘hart verkies tot vrou’. Fleur is gewoonlik die naam vir 'n perd, maar hier lyk dit of dit die naam van

[p. 130]

die booi kan wees; of het die wewenaar vier perde voor die kar waarvan net drie genoem word?

Hierdie liefdesliedjie herinner aan 'n ander, waarin die koeplet voorkom: -

‘Die jonkmans kom van verre,
En die nooiens lei hul perde!’

Na inhoud en gees beskoud, lyk dit na 'n egte Afrikaanse liedjie; die kwessie is of dit 'n egte volksliedjie is. Daarvoor lyk ons 'n benaming, soos Hartbeesvanger, 'n bietjie vreemd en vèrgesog; of sou dit 'n latere variant wees? Verder dra die liedjie wel die spore van volkspoësie! (vgl. Dr. L.v. Niekerk, t.a.p. bl. 179).

Ag, hoe word my hart ge-dre-we, Na my Sa-

rie wat ek min; Ek wil e-wig vir haar
le-we, My ge-lief-de siels-vrien-din.

‘Ek wil na my soetlief ry,
Haar aanbiede al my trou!
Nooit sal ek na 'n ander vry;
Haar verkies my hart tot vrou.’

[p. 131]

3.

 

‘Kom, my perdjies, draf maar lustig;

 

Dis maar ses-en-twintig uur.

 

Môre-awend vreet jul rustig

 

By my Sarie in die skuur.’

‘Rep jul bene, rek jul sene,
Môre staan jul in die stal;
Gars en hawer sal ek lene,
Wat jul weer verkwikke sal.’

‘Rep jou, Witvoet, rep jou trede!
Booi, stoot Hartbeesvanger aan!
Fleur sal môre met my mede,
Moedig voor my Sarie staan.’

(Ingestuur vir publikasie in ‘Ons Klyntji’, II, bl. 237: deur A.J. Myburgh, Hopetown).