Afrikaanse volksliedjies. Deel 2. Minneliedjies

8. ‘Die wêrelds beloop’.
('n klaaglied).

Van hierdie klaagliedjie, vol van ‘Weltschmerz’, sowel as van die volgende teenoorgestelde liedjie, vol van wêreldvreugde en liefdesgeluk (n.l. No. 9: ‘Hoe vermaaklik is die dae’), getuie ‘Ons Klyntji’ IV, 1899, bl. 221)’: ‘Die twee (eerste) liedjies is oue Hollandse liedere, wat vroeër dae baie gesing werd op bruilofte en in geselskappe’. (Die kursivering is deur ons gemaak, en die spelling veranderd.)

Dit is dus al weer een van die verafrikaanste minneliedjies, maar ons het hier nadere gegewens, want ons word meegedeel dat dit een van die liedjies is wat op bruilofte en geselskappe gesing werd. ....die plekke waar die Afrikaanse minneliedjies gelewe het onder ons volk. (vgl. die Inleiding).

Daar is so iets van 'n refreinmotief in die laaste twee reëltjies van elke versie .....om klem by die klaaglied te sit.

[p. 66]

Die sor-ge die kwel my by dag en by nag; Dit

wil nie ge-luk nie waar ons so na trag... O
trag, ja trag, waar ons so na trag, Dit
wil nie ge-luk nie waar ons so na trag.

‘Ek soek na die vrede vir my arme hart,
Maar ek vind nooit iets anders as kwelling en smart....
Smart, ja smart, niks anders as smart,
Ek vind nooit iets anders as kwelling en smart.’

‘Die onreg die brande tot aan die getreur;
Die mens die weet tog nie wat staan voor sy deur.....
Deur, ja deur, wat staan voor sy deur,
Die mens die weet tog nie wat staan voor sy deur.’

[p. 67]

4.

 

‘Ek eindig my klagte, maar 'k leef nog op hoop,

 

Ek sal met geduld drae die wêrelds beloop....

 

Loop, ja loop, die wêrelds beloop,

 

Ek sal met geduld drae die wêrelds beloop.’

 

(Ingestuur deur Mej. Johanna Buys, van Waterbeig, Transvaal, vir ‘Ons Klyntji’, IV, 1899, bl. 220.)