Afrikaanse volksliedjies. Deel 1. Piekniekliedjies

20. ‘Aai! Aai! Die witbors kraai!’

a. Lied en Spel: -

Hierdie liedjie word gesing bij 'n rij-dans, nes ‘Wat maak oom Kalie daar?’ en ‘Oom Jannie met sij lakense pak’. Bij die derde reëltjie begin die ‘tiekiedraai’-dans.

Oom Kalie se vrouw word onder die besemstok gekrij; maar

[p. 53]

oom Jannie kom daar slegter van af, want ‘sij luja raak aan die brand!’ En oompie? Die kom thuis met die kous op die kop!

Is ‘Wat maak oom Kalie daar?’ misskien bedoeld as 'n waarskuwing vir die piekniek-nooientjies, dan is die laaste liedjie seker 'n skrikmakertjie vir die piekniek-kêrels - ‘elke hond krij sij dag!’

b. Liedjie: -

‘Aai! aai! die witbors kraai!
Hiervandaan na Mosselbaai,
Oompie wou na tannie vrij;
Maar tannie trek haar neus opsij.’

‘Aai! aai! die witbors kraai!
Hiervandaan na Mosselbaai,
Rond gerij en rond gevrij,
Thuis gekom en niks gekrij.’

c. Variante: -

I.p.v. ‘Aai! aai! die witbors kraai!’ hoor 'n mens soms ‘Oe-la-la! die witbors kraai!’ Stephanus Maré gee (in ‘Tiekiedraai’), ook ‘Kraai! kraai! die witbors kraai!’, maar die redaksie is ons verder onbekend.

d. Aantekeninge: -

‘Mosselbaaî’: Wijs die plaasnaam ‘Mosselbaai’ misskien daarop, dat die liedjie ontstaan is ergens in die suidweste van die K.P.? of is dit maar net 'n rijmnaam vir ‘die witbors kraai’?