Afrikaanse volksliedjies. Deel 1. Piekniekliedjies

[p. 23]

A. Ring-danse.

1. ‘Staan, Pollie, staan!’

a. Lied en Spel: -

Die liedjie word gesing bij 'n gewone ring-dans in die vorm van 'n ‘tiekie-draai’, wanneer die spelers 'n verandering wil hê in die sangwijse van enige ander liedjie, soos ‘Pollie, ons gaan Pêrel toe’, of ‘Wat maak oom Kalie daar?’

Die kêrel is hier blijkbaar besig die ja-woord te vra; maar hij val nogal met die deur in die huis; gelukkig hoef die nooi (in die meeste gevalle) dit nie al te ernstig op te neem nie!

b. Liedjie: -

‘Staa - - n, Pollie, staa - - n!
En laat jouw gedagte gaan,
Dat jij vir mij kan sê,
Hoe vèr die liefde lê.’

‘Staa - - n, Pollie, staa - - n!
En laat jouw gedagte gaan,
Dat jij vir mij kan sê,
Of jij vir mij wil hê.’

[p. 24]

c. Variante: -

1.	‘Dat jij vir mij kan sê’: soms ‘of jij - - ens’.
2.	‘Of jij vir mij wil hê’: anders ‘vir wie dat jij wil hê’. Dis biekie meer versigtig en bedeesd.

d. Aantekeninge: -

‘Staa - - n, Pollie, staa - - n!’ Soals bo aangewijs, word hierdie woorde baje gerek gesing; die nadruk, wat so op die staan val, is allergeskikst om die nooi te deurdring van die erns van wat kom.

‘Pollie’ is 'n geliefde meisiesnaam in die afrikaanse minneen dans-liedjies. Dis eigenlik engels en kom veel voor in die Boland; dus één bewijs vir die belangrijke aandeel wat die Westelike Provinsie had in die voortbrenging van ons ‘ligte liedjies’.