Brusselschen Blom-hof van Cupido

[p. 53]

T' Samen-Ghesangh, Tusschen Iolas ende Amarillis.

Stemme: Schoon Herderin.

Iolas.      LIef Amaril,

My dunckt 't is uwen wil

Desen dagh te blijven in het veldt,

Nochtans eenigh, droevigh, en meer-tijdts onverselt,

Daer 't soet ghedril

Der bosschen selden-stil

Ons den lieven paren-tijdt voore-stelt,

En wat jeughdighs, vreughdighs, en lieffelijcks verbeldt,

Waer-omme // ick kome, met eenigh fraey liedt,

Uw' eeren // vermeeren, ghespeelt op mijn riet.

[p. 54]

 

Amarillis.

 

Wel Iolas ‘ komt soo ras, hier neven mijn zy,

 

Laet singhen // met klinghen, ter eeren van my.

 

Iolas.      3. Vw' roose-jeughdt,

 

(Och Herders sachte vreughdt,)

 

Sal mijn dunne riet eens legghen uyt,

 

Soo u lockigh keelken den lesten galm befluyt.

 

Amarillis.   Ach ! dat verheught,

 

Wel Herder soo ghy meught

 

Singht oock de ghedachten van uw' bruydt,

 

Soo kenn' ick de krachten en deughden van uw' fluyt:

 

Wilt spelen // en quelen, het soet van ons jeughdt,

 

Vw' konsten // met jonsten, betael' ick in vreughdt.

 

Iolas.   Wel kan ick // nu span' ick mijn konsten we'er in,

 

Om t'uyten // 't besluyt, en het eynd' van ons' min.

 

3. Tuyght bergh' en dal

 

Ons liefdens soet gheval;

 

Tuyght de sachte jonsten van mijn bruydt,

 

Die nu den arebeydt van seven maendt besluyt,

[p. 55]

 

Met sulcken mal

 

En jeughdelijck gheral,

 

Daer ick hier in het kil-lom righ kruydt

 

Haer soet lodd'righ aensicht prijs op mijn dunne fluyt:

 

V wesen // bewesen, met kracht van mijn riet,

 

Laet menghen //    Am.   't Ghehenghe soo Iolas ghebiedt,

 

Vwe wil // in verschil, min sal wesen voordt-aen.

 

Iolas.   Wel aen dan.   Am.   Ick gaen van.   Iol.   Ey ! blijft noch wat staen.