Der leken spieghel

Leerdicht van den jare 1330

Hoe dat Enoc ende Helyas jeghen hem disputeren sellen, ende hoe hise doden sal. - VIII.

Nu als onse here ziet dat al

Sijn hant ghewerc bederven sal,

[p. 263]

tekstkritische noten

Daer hi om storte sijn heylich bloet,
⁺Sal hire jeghen senden mitter spoet
Sijn twee knechte, alsic las,
Dat sijn Enoch ende Helyas,
Die levens lijfs, alsmen leest,
Int paradijs hebben gheweest
Meer dan dusent jaer daer te voren,
Om datsi daer toe sijn vercoren.
Dese sullen openbare
Antekerst sijn contrare,
Ende hem ooc segghen dathi
Een quaet valsch prophete si
Ende al dathi doet ende seit
Loghene is ende valscheit
Ende dat hijt mitten duvel doet.
Ende alse tfolc des wart vroet
Ende si die dinc wel verstaen,
Sullen sijs Antekerst of gaen
Ende vlien ende scuwen sire leren
Ende te Gods twee knechte keren.
Ende alse Antekerst dan siet
Dat hem tfolc algader vliet
Ende sine lere after steken,
Sal hi so worden ontsteken

Vs. 3. I. omme. - heylich ontbr. 4. I. hij j. 5. I. H. Sine. 6. I. Dat es E. 8. I. In tp. 9. I. duust jaren; I. H. daer ontbr. 10. I. Eer dat Cristus wart geboren. 12. I. H. Ant(i)kerste. 13. I. ooc ontbr. 15. H. Ende dat al dat. 17. I. duvelen. 18. H. Alse dat volc dan des; I. als tvolc; I. H. wert. 19. I. si ontbr. - dinghen; H. die ontbr. 20. I. H. si Antkerste; H. af; I. ave. 21. I. sijn; H. sine. 22. I. Ende an G. - twee ontbr.; H. tween; I. H. knechten. 23. H. als; I. als d. A. ziet. 24. I. tvolc. 25. I. leeringhe; I. H. achter. 26. I. hij w. also o.; H. werden.

+ (I. Fol. CLVII. r. 1.)

[p. 264]

tekstkritische noten

Van onwaerde ende toorne groot,
⁺Dathi sal doen slaen doot
Dese twee heylighe Gods knechte.
Dan so sullen wel te rechte
Gods yngle ter selver uren
Die zielen te hemele vuren.
Dan sal Antekerst daer na poghen
Hoe hi sal bedrieghen moghen
Die gherechte zonder waen,
Die noch sijn al volstaen.
Dan sal onse here ter selver stonde
Metten gheeste van sinen monde
Antekerste, met haesten groot,
⁺Doden mitter gadoot.
Dan so sullen thant, te waren,
Teekene des oordels baren,
Daer Jhesus Cristus comen sal
Doemen dese werelt al.

Vs. 27. I. H. onwerden; I. e. van t. 30. I. so ontbr. 31. I. inghelen. 32. I. ten hemel; H. hemle. 33. I. daer na ontbr. 36. I. n. alle s. v. 37. I. ten selven stonden. 39. H. Antk. in h. 41. I. so ontbr. - te hant; H. twaren. 42. I. Teeken d. o. openbaren. 43 en 44. I. Deze beide verzen ontbr. 44. H. Dese w. doemen al.

+ (E. Fol. CXVI. r. 1.)

+ (I. Fol. CLVII. r. 2.)

Titel. I. dat ontbr. - j. Antkerst d. - hoe ontbr. Vs. 1. I. II. alse. 2. I. Sine; I. H: ghewerke; I. verderven.