Der leken spieghel

Leerdicht van den jare 1330

Van Antekersts gheboort. - VI.

In Sydracs boec so lesen wi dat

Te Babylonien in die stat
Antekerst sal sijn gheboren.
Mechodosius brinct ons voren,
⁺Dat het sijn sal in Chorozaym,
Ende datmen op sal voeden hym
In die stede van Bethsayda,
Ende dathi regneren sal daer na
In Capharnaum die stede.
Sydrac die seit ons mede,
Dat Antekerst sal sijn ghewonnen dan
Van enen wive ende van enen man,
Ende dat sijn moeder, alse wi lesen,
Des duvels al vol sal wesen
Vander uren, in waerre dinc,
Datsi eerst haer lijf ontfinc
Van Dans gheslachte, hebbic vernomen,
Daer luttel goets of is comen,

+ (E. Fol. CXV. r. 1.)

[p. 258]

tekstkritische noten

Van wies gheslachte Judas was
Die Gode verriet, alsic las.
Als Antekerst wort openbaer
Ende wonder werct hier ende daer,
Ende die Roomsche coninc siet
Dat meest tfolc an hem tiet
Ende hijt niet en can wederstaen,
So sal hi optien berch gaen
Ter stede die Galgatha heet,
Daer onse here sinen doot leet,
Ende sal sine crone nemen van
Sinen hoofde ende settense dan
⁺Op dat cruce mitter vaert,
Ende heffen sine hande te hemele waert,
Ende sal dat kerstenrike algader
Opdraghen Gode den vader:
Ende dan sal dat cruce zaen
Inden hemel worden ontfaen
Met des conincs crone daer.
Dat sal teken sijn voorwaer,
Dat ende neemt dat Roomsche rike
Ende alle macht op aertrike.
Ende als dat cruce wort ontfaen
Inden hemel also zaen,
Sal die coninc einden sijn leven

Vs. 21 en 22. I. aldus: Als A. hier naer Wonder werct openbaer. 21. H. Alse A. wert openbare. 22. H. dare. 24. I. Dat tvolc m. an. 25. H. niene c. 26. I. opten. 27. I. die Calvarien h. 28. H. h. die d.; I. sijn. 29. H. sinen. 32. I. Ende sine hant slaen ten hemel w.; H. themle. 33. I. s. tkerstenrijc; H. dat ontbr. 34. I. Opdr. G. onsen v. 36. I. H. werden. 37. T. Midts des; H. Mettes. 38. H. salt. 39. H. dat kerstenrike. 40. I. Dat a. machte op eerderijke. 41. I. H. alse; I. wart; H. werd. 43. H. inden dleven.

+ (I. Fol. CLVI. r. 2.)

[p. 259]

tekstkritische noten

Ende den gheest te Gode gheven,
⁺Ende dan sal alle aerdsche ghewelt
Mids Antekerst sijn ghevelt;
Want God sal hem ghehinghen
Dat hi wonder toe sal bringhen:
Blinde sullen sien ontfaen,
Crepele sullen rechte gaen,
Dove sullen horende wesen,
Besetene zullen ghenesen,
Die zonne sal hi doncker maken,
Die mane root alse scarlaken.
In desen valschen teekenen so sal
Hi tfolc meest bedrieghen al;
Want al dunct den lieden des
Dat elc teeken aldus es,
En sal nochtan niet sijn alsoe,
Maer die duvel salt bringhen toe
Met sinen subtilen dinghen,
Mids dats hem God [sal] ghehinghen.
Inden tempel sal hi sitten mede,
Alse onse here Jhesus Cristus dede,
Ende den volke subtijlheit leren,
Daer hijt mede sal verkeren.
⁺Dese woorde scrijft ons aldus
Die heilighe Mechodosius.

Vs. 44. I. Ende sinen gh. 46. H. Mids Antkerste. 48. H. w. s. t. br. 49. I. Blijnde zelen licht o. 50. I. Cruepel; H. Crople. 52. I. Die beseten sijn z.; H. selen oec gh. 54. I. als; I. H. een sc. 55. I. teeken. - so ontbr. 56. I. Hij dat volc b. 58. I. alsoe es. 59. I. Ende en sal niet. 60. I. H. saelt. 62. I. dat; I. H. sal. 64. I. Als; H. Alsoe; I. Jhesus ontbr. 66. I. hij met. 67. I. word. - ons ontbr. 68. I. h. Meth.

+ (E. Fol. CXV. r. 2.)

+ (I. Fol. CLVI. v. 1.)

[p. 260]

tekstkritische noten

Nu willic u dan meer lyen
Van meester Sydracs prophecien.

Vs. 69. I. wil ic u voert belyen.

Titel. I. Van Antkerst gheboirte; H. gheboerten. Vs. 1. I. b. wij l. d. 2. I. Dat te; H. Te Babylonie. 4. I. H. Methodosius; H. bringt; I. br. te v. 5. H. Dattet; I. Dat sal sijn in Torozaym. 6. I. dm. daer sal. 7. I. stat v. Bethsadya. 9. I. In Carphanaum. 10. I. die ontbr.; H. seeght. 12. H. Het tweede van ontbr. 13. I. dat ontbr.; I. H. als. 14. I. Sal des d. al v. w. 15. I. uren der waerliker d. 16. I. haer ontbr. 17. I. Van Chayms g., heb ic. 18. I. aff; H. af.