Der leken spieghel
(1844-1848)–Jan van Boendale– AuteursrechtvrijLeerdicht van den jare 1330
[pagina 196]
| |
Ofmen vrienden ende maghen bi staen sal ende helpen. - XXII.Men vraechde wilen, als ic las,
Enen meester die wijs was,
Oftie menschen van rechter scouden
Maghen ende vrienden helpen souden
5[regelnummer]
Ende hem gheven ende bi staen?
Die meester antwoorde zaen
Ende seide aldus op dese vraghe:
Ist datmen hevet mate maghe,
Die hem niet en connen gheneren
10[regelnummer]
Noch ghewinnen datsi verteren,
Ofte mids rampspoede
Comen sijn uut haren goede,
Ende die dan goede liede sijn,
Hem salmen mit herten fijn
15[regelnummer]
Gheven ende staen in staden,
Helpen ende ooc gheraden,
Ja, tuwer minster scaden:
Die dat lieten, si misdaden.
Ga naar margenoot+Maer hebdi maghe, dat verstaet,
20[regelnummer]
Die loos zijn, sot ende quaet,
Ende thaer qualijc verteren
Ende hem niet en willen gheneren,
| |
[pagina 197]
| |
Ofte quade feite hanteren,
Die suldi van u weren
25[regelnummer]
Ende hem raden noch helpen,
Want ghine mocht niet ghestelpen
Hare behoefte in gheenre wise.
Recht ofmen een tortise
Ga naar margenoot+Voor enen blinden man hilde,
30[regelnummer]
Om dat hire of ghesien wilde,
Also sijn, weet te voren,
Cost ende pine al verloren
Van datmen door den quaden doet:
Dies hem hoet, hi is vroet.
|
|