Der leken spieghel

Leerdicht van den jare 1330

Hoe Jhesus was onder die leeuwen. - XXVIII.

Het gaet een wech uut Jherico

Rechte ter Jordanen toe,
Die woeste was ende fel,
Daer die kindre van Israhel

[p. 145]

5

⁺ Wilen doore leden

 

Metter arken, doe si streden

 

Jeghen die Philisten,

 

Daer si langhe jeghen twisten.

 

Desen wech, hebbic verstaen,

10

⁺ Is Jhesus recht uut ghegaen

 

Tote der Jordanen toe.

 

Achte jaer was hi out doe.

 

Bider Jordanen, alsic las,

 

Aen den wech een haghedochte was,

15

Daer in lach een leeuwinne,

 

Die haer jonghen daer inne

 

Gheworpen hadde ende voedde mede,

 

Also dat daer ter stede

 

Niement en dorste gaen.

20

Jhesus heeft dat verstaen,

 

Dat daer tfolc hadde groten vaer,

 

Om dattie leeuwinne was daer.

 

In die haghedochte streec hi doe,

 

Daert alt volc sach toe.

25

Alse [die] leeuwen hebben vernomen

 

Jhesum daer binnen comen,

 

Sijn si hem gheronnen jeghen,

 

Ende hebben hem thooft gheneghen.

 

Jhesus ghinc daer sitten neder.

+ (E. Fol. LI. r. 1.)

+ (I. Fol. LXI. v. 1.)

[p. 146]

30

Doe liepen daer, voort ende weder,

 

Die jonghen met goeder moeten,

 

Ende custen Jhesus Cristus voeten,

 

Ende speelden mit hem herde zere,

 

Alse quijs quans: ‘dit is onse here!’

35

Dander leeuwen, die waren groot,

 

Hielden nederwaert thoot,

 

Ende loofden Gode utermaten

 

Met vriendeliken ghelaten.

 

Tfolc dat van verren was ghestaen,

40

Ende Jhesum hadden sien in gaen,

 

Waenden dathi verbeten ware.

 

Doe seiden si openbare:

 

‘En hadde dese in sinen stonden

 

Niet ghedaen grote zonden,

45

⁺ Hine hadde zijn jonghe leven

 

⁺ Den leeuwen dus niet ghegheven:

 

Dit sijn alte vreemde zaken.’

 

Binnen datsi dus spraken,

 

Quam Jhesus in corten stont

50

Daer uut gaende al ghesont,

 

Ende voor hem so quamen

 

Die leeuwen alle te zamen,

 

Ja die oude metten jonghen.

 

Die welpkine speelden ende spronghen

+ (E. Fol. LI. r. 2.)

+ (I. Fol. LXI. v. 2.)

[p. 147]

55

Voor Jhesus voete, met feesten groot;

 

Doude hielden nederwaert thoot,

 

Ende ghinghen voren ghedoochlike,

 

Ende neghen hem ootmoedelike.

 

Tfolc was zere vervaert,

60

Ende sach van verren darwaert,

 

Ende en dorsten niet comen naer.

 

Doe riep onse here openbaer

 

Toten volke dat daer vloe:

 

‘Besiet dese beesten, hoe

65

Vele si beter sijn dan ghi:

 

Haren here kennen zi,

 

Ende loven ende eren, als ghi siet;

 

Mar ghi en kent mi niet,

 

Die ghemaect sijt ghelike

70

Gods beelde van hemelrike.’

 

Doe so deelde Jhesus schiere

 

In twee ziden die riviere,

 

Beide ter rechter ende ter slincker hant,

 

Ende Jhesus leet te hant

75

Metten leeuwen ten andren boorde,

 

Ende seide, daert alt volc toehoorde:

 

‘Gaet daer ghi niement en daert,

 

Rechte ter steden waert

 

Daer ghi eerst uut quaemt,

[p. 148]

80

Doe ghi den wech harwaert naemt.

 

Ic wille ooc ende ghere,

 

⁺ Dat u gheen mensche en dere,

 

Voor dat ghi zijt gheraect

 

Daer ghi eerstwerf uut traect.’

85

⁺ Die leeuwen vielen op haer knien,

 

Ende namen oorlof mettien,

 

Niet met woorden mer mit ghelaten,

 

Ende ghinghen wech haerre straten.

 

Ende Jhesus keerde weder metter vaert

90

Te Marien sijnre moeder waert.

 

Aldus verloste Jhesus daer

 

Sijn volc vander leeuwen vaer.

+ (I. Fol. LXII. r. 1.)

+ (E. Fol. LI. v. 1.)

Titel. H. leuwe. Vs. 1. H. ute. 2. H. tier J. to; I. ter J. waert toe. 4. H. Dattie k.; I. kinder.

Vs. 8. I. teghen. 10. H. rechte. 11. I. Toter; H. dier. 13. H. alsoe ic. 14. I. Ane; H. ene haghedocht. 15. I. Daermen sach een; H. ene. 16. I. hare jonc; H. haere jonghe. 17. I. voede. 18. I. Also dair te dier st.; H. dat te dier st. 19. H. Niemen; I. H. zeker en d. 20. I. dit bestaen. 21. H. volc; I. Dat tvole dair; I. H. was in groten vaer. 22. I. H. dat die. 23. H. haghedocht. 24. H. al tfolc; I. Daert tvole algader zach. 25. I. Als die I.; H. Alse die leuwe. 26. I. Jhesumme.

Vs. 30. I. H. daer ontbr. 31. I. H. jonghe. 32. H. Omtrent Jh.; I. Al omtrent Jh. v. 33. I. herde ontbr. 34. I. Al in deser wijs dit es ons h.; H. Alsic wijs dits. 35. H. Dandre leuwe. 36. I. thoeft; H. hare hoet. 39. I. Tvolc; H. Dfolc; I. H. dat verre. 40. H. hadde; I. gesien. 41. H. Waende. 43. I. sine. 46. I. dus ontbr. 48. I. H. Binnen dien d.; I. sij dit spr. 49. I. H. corter. 50. H. ute. 51. H. vore; I. so ontbr. 52. H. leuwe; I. alte s. 54. I. wulpen; H. wolpene.

Vs. 55. H. Vore; I. voeten. 56. I. Ende doude - thooft; H. waert ontbr. 57. H. vore; I. H. ghetoghenlike. 58. I. hem vriendelike. 59. H. Tf. dat w.; I. Tvolc w. wel z. 61. H. dorste; I. Ende ontbr. - c. dair. 66. I. heere zo k. 67. I. Ende loven ontbr. - ghij wel ziet. 68. I. ghine. 71. so ontbr. 72. I. H. tween; I. ziden ontbr. 73. I. Beide ontbr. 75. I. anderen borde. 76. H. al tfolc. - toe ontbr.; I. daer tvolc al toe h. 77. H. niemene; I. H. deert. 78. I. Recht ter stede; I. H. wert. 79. H. iersten ute.

Vs. 81. I. begheere. 83. I. H. Vore. 84. I. werf ontbr.; H. ute. 85. H. leuwe - hore. 88. I. wech ontbr. - harer; H. gh. henen horre. 89. I. Jhesus ontbr. - keerden; I. H. weder ontbr. 90. I. Weder te harer m.; H. Weder te sire m. 91. I. Dus; H. dare. 92. I. vanden; H. vare.