CXXXIV.
Hoe de proofst van Camerycke, zeghelere van Brabant, ghevanghen
waert ende meeranders.
Int selve iaer int beghin van meie
Ontlaste die hertoghe met besceie
Sinen neve
heer Janne van Lutzenborch
16480[regelnummer]
Van governoerscape ende besorch
Slants van Henegouwe, doe ic ghewach.
Daer na, opten neghentiensten dach
Der maent van julio, ongheloghen,
Soude tot Groenendale hebben ghetoghen
16485[regelnummer]
Meester Cornelijs Proper,
sijt seker das,
Proost van Camerike, die was
Seghelere van Brabant doe;
Ende opten weghe quamen hem toe
Een deel ghewapende ghereden
16490[regelnummer]
Diene omringhden met nidicheden
Daer hi reet simpel ende slecht,
Want hi en hadde maer eenen knecht;
Daer vuerden sine sonder verdraghen
Ewech door bossce ende haghen.
16495[regelnummer]
In al deser drueffenessen
Die hi leet in der vanghenessen
Over hem den zeghel van Brabant
16500[regelnummer]
Bewaerde ende alsoe wiselike,
Dat die ghene, wilt mi verstaen,
Diene in handen hadden ende ghevaen,
Dien niet en ghecreghen, dat versint,
Noch daer af en wisten twint.
16505[regelnummer]
Ten utersten, dat si u vercleert,
Wert hi ghescat ende gheransonneert.
Hier na opten sesten dach
Der maent septembris, doe ic ghewach,
Tooch
hertoghe Jan, ic seker bin,
16510[regelnummer]
Van Bruessele tot Zenneke
in;
Daer bleef hi drie daghe, onghewaent.
Opten tienden dach der selver maent
Tooch hi tot Berghen in Henegouwe.
Dat was tierste, in goeder trouwe,
16515[regelnummer]
Dat hi te Berghen binnen quam,
Sint dier tijt, soe ic vernam,
Dat si met wederspennicheit
Metten hertoghe van Gloucestre voorseit
Rebelleerden ieghen den hertoghe Jan.
16520[regelnummer]
Daer na es hi, die edel man
Van Berghen tot Sinte Gheleins ghetoghen.
Daer bleef hi, dats ongheloghen,
Tot dat hi van daer, wilt mi versinnen,
Weder quam te Bruessele binnen,
16525[regelnummer]
Sevene in octobri, dat es waer,
Int selve voorseide Ons Heeren iaer.
|
|
Auteursrechtvrij