DIe Voorst is by Natuer in't plaedtsnijden ghecomen
Was Paulus Pontius, om dat hy had ghenomen
By Vorstermans t'begin van dese oeffeningh
Want soo den Meester was soo scheen den Leerelingh.
Te weten inder daedt van Konsten te ontdecken
Vol nette suyverheyt en Meesterlijcke trecken
'T was Lucas Vorstermans die d'eerst graf-yser gaff
Aen Pontius om t'leven soo te drucken aff
Dat t'vleughel-rijck ghedacht boven t'ghemeyn sou vlieghen
En door de teeckeningh het leven te bedrieghen,
Heeft Gilis Sadeler niet door sijn rijcken gheweest
Den Phenix van ons eeu in't plaedtsnijden gheweest?
Daer niemandt heeft soo by ghecomen met t'soet yser
Als Pontius, midts Vorstermans was sijnen Wijser
En Meester lanck gheweest, soo dat ick segghen mach
Al t'gen' des' Konste leert van jonghs men in hem sach.
Daer Rubbens en Van Dijck hun hert en sin op stelden
En lieten menichmael van Pont hun cloecke belden
Af-trecken op de plaedt tot jeders groot plaisier
Soo als noch is te sien in druck op wit papier.
Veel Ordonnantien gheschildert als het leven
En Conterfeytselen die t'levens schijnsel gheven
Bethoonen claer ghenoch de cloeckheyt van Du Pont
Daer de gheruchtbaer Faem hem d'hoochste eer van jont.
[pagina 497]
[p. 497]
PAULUS DU PONT Graveur admirable en taille douce, natif d'Anvers l'an 1603. il a faict son aprentisage chez Lucas Vostermans, et at demeuré aupres Mons.r Rubens, ou il a faict quantité de chefs d'oeuvres: aussi pour Mons.r van Dyck, comme on voit par ses oeuvres. I. Livens pinxit. F. Meyssens exc. P. de Iode sculpsit.
Auteursrechtvrij
