Het gulden cabinet van de edel vry schilderconst

[p. 480]

Cornelis Galle den Ouden
Plaedt-snijder van Antwerpen.

MEn acht op dese Aerdt gheen wereldtsche juweelen
Soo seer als Konstenaers, Paletten en Pinseelen,

Graef-yser, pen en kol', om al hun vremde kracht

Die door een konstich handt van elck wordt voort ghebracht.

Daer Gall' een proef van is door de ghesneden belden
Die sijnen weerden naem de wereldt door vermelden

Om datmen daer in siet sulck een besielden gheest

Als in Papiere-Konst is oyt te sien gheweest,

Voor wiens vroom ghemoedt al menich gheest moet buyghen
Soo als de wercken van sijn handt ghenoch ghetuyghen

Te sien de wereldt door by Kenders vande Kunst

Wat dienter meer gheseyt, de Cunst en soeckt gheen gunst.