Het gulden cabinet van de edel vry schilderconst

VVaer op den Autheur.

BEdrieght somwijl de Konst des menschen oogh en handt,
Die selfs nochtans wordt van de handen voorts ghebracht:

[p. 403]

Georgivs van Son Peintre excellent en fruicts, fleurs, &c. qu'il demeure à Anvers ou fut ne en l'an 1622.
E. Quellines pinxit. Coenraerd Louwers sculpsit.

[p. 404]

 

Soo spruyt den mislach uyt het menschelijck verstandt,

 

Waer door de handt vercrijght haer werckelijcke kracht;

 

T'ghesicht bedrieght de handt, jae menichmael t'vernuft,

 

Als maer een aerdich beldt door Konst het fruyt ontdeckt

 

Gheschildert met Pinceel, die d'ooghen maeckt versuft:

 

Om dat de Konst soo op Natuers volmaecktheyt treckt:

 

Daer ons Van Son een proef af thoont in sijn schildry,

 

Soo jemandt maer beooght de vruchten die hy maelt,

 

Daer t'leven dickwils staet ghelijck een schaduw by:

 

Als die Van Son maer heeft met sijnen gheest bestraelt.

 

Gheen vruchten sonder Son en hebben goeden aert,

 

Soo oock niet sonder Konst de edel vry Pictuer,

 

Die ons Van Son door gheest uyt sijn Pinseelen baert:

 

Die t'hans maer schaduw, is, en overtreft Natuer.