Het gulden cabinet van de edel vry schilderconst

Symon Vovet
Schilder van Parijs.

DIe vlijtich wilt de Const bemercken
In al de eel en suyver wercken

Van Simeon Vovet ghedaen

En moet niet seer verwondert staen

Dat hy door cracht van sijn Pinceelen
Pictvra soo weet te verdeelen

Wanneer men siet in sijn Schildry

Devoti en Poëtery.

De leughen can met deught verkeeren
Nochtans daer door geen sonden leeren

Als hy Poetery ontdeckt

En met sijn const veel deucht verwect

Die hy weet sulcken cracht te gheven
Dat schijnt Natuer daer in te leven

Daer t'France Hof op roemen can

Midts hy den Schilder is daer van.