Nicolaes vander Horst
Schilder van Antwerpen.
WAs een seer excelent Schilder soo in Ordonnantien als Conterfeyten, die gheleert heeft by Rubbens, ende daer naer ghereyst naer veel Coninckrijcken, Landen en Steden, daer sijn handelingh in groote weerde wordt ghehouden. Ende wederom keerende heeft hem langhen tijdt tot Brussel ghehouden, alwaer hy veel fraey ende nette Teeckeninghen ghemaeckt heeft soo van Tytels als andersints die in print uytgaen ende ghesneden zijn van Cornelis Galle den Ouden, als oock van meer andere. Hy is Hartsier gheweest vanden Aerts-Hertogh Albertus ende d' Infante Jsabella Clara Eugenia saligher ghedachtenis. Voor wien hy veel seldsaeme ende cloecke Teeckeninghen ghemaeckt heeft, seer aerdich ende diepsinnich ghehandelt. Is ghestorven tot Brussel Anno 1646.
Auteursrechtvrij