IEAN BYLERT Paintre fort adroict en son art, il faict bien ses ordonances. ses figures sont mediocrement grandes, et extrement douces, il est fils d'un viturier, natif de la ville d'Utrecht. Ioannes Bylert Pinxit. Petr. Balleu sculp. Io. Meijssens excudit.
[pagina 118]
[p. 118]
Iean Bylert. Schilder van Vytrecht.
HEt jnnich vanden lust en is niet t'overweghen,
Soo haest hy inden Mensch tot Consten is gheneghen:
Als 't pandtcier van sijn Deught beschanst wordt in't ghemoet,
Van liefd' en jever, dan wordt d'edel Const ghevoet.
Dit leert ons d'oude Faem van over langhe jaren,
En compt met goet fatsoen ons claerlijck openbaren,
Hoe altijdt inden Mensch erft eenen lossen lust,
Die in het goedt oft quaedt soeckt sijn volcomen rust.
Maer soo hy buyten spor' van neerstichheydt wilt springhen,
Soo schijnt het traegh ghemoet den jever om te bringhen.
Voorwaer die eens de cracht van dit verwert gheschil
Met rijpheyt overleyt wat dat ick segghen wil,
Sal vinden metter daet hoe dat den roep des Heeren
Sich anckert inden Mensch, om tot de deught te keeren
Van eenich edel werck, oft tot Godts eyghen dienst,
Waer in dat samen steckt een over-groote winst.
Dit sien ick wel te recht in Bylerts soete dinghen,
Die hy met sijn pinceel wist geestich voorts te bringhen,
Dat hy van joncks af is tot Consten aen-gheport,
Midts sijn seldsame Const voor goedt ghehouden wort.
Dat sijnen jever-lust den tijdt heeft waer ghenomen,
En is door neersticheydt in grooten naem ghecomen;
Tot eenen naem die is by ons onsterffelijck,
N'en naem die is bekent in menich Coninckrijck.
Die daer van jeder wordt ten hooghsten op-ghetoghen,
Midts dat sijn weerde Const is van veel crachts vermoghen
Die noyt vergaen en sal uyt 's wereldts ghedachtenis;
'T gen' Uytrecht best ghetuyght, daer hy gheboren is.
Sijn dinghen zijn soo soet en lieffelijck ghedommelt,
Auteursrechtvrij
