TOBIE VERHAECHT. Peintre en peisages fort renommé par ses rare tableau ast este primiez maistre du' fameux P. Paul Rubbens est ne a' Anuers l'an 1566 et mourut. 1631. C. van Coukercken sc. Octauie venus pinxit I. Meyssens excudit.
[pagina 48]
[p. 48]
Tobias Verhaeght. Schilder van Antwerpen gheboren Anno 1566. Ende ghestorven anno 1631.
HOe wordt den lossen lust des menschen hert gheterght
Wanneer de oogh aenschouwt, 't gheboompt en hoogh gheberght
Van onsen gheest Verhaeght, die in sijn jeughdich leven
Heeft wonder groote Const met d'eel Pinceel bedreven.
Ghelijck men aende cracht van al sijn wercken siet
Hoe fraey dat jeder stuck versoet is in't verschiet.
Sijn boomen schoon ghelooft en levendich gheschildert
De gronden los en mals, de tacken dicht verwildert:
Daer by in Metselry en netten Architeckt
Al wat hy heeft ghedaen heel naer het leven treckt.
Men siet hoe wonderlijck hy binnen t'stadt Florencen
Verbreydt heeft sijne Const tot aenlock van de Menschen
Alwaer hy in het Hof des Hertoghs heeft verkeert
Die hem groote jonst heeft om zijn Const vereert,
Daer hy met cloeck verstant Pictvrasdiepste gronden
In't Jtaliaens gheberght heeft door 't Pinceel ghevonden
Wanneer hy naer den eysch het leven volghden naer
Dat sijn Schildry haer draeght oft tweede leven waer.
De Edel Stadt van Room die can dat oock bewijsen
En thoonen dat hy was in fijne Const te prijsen
Die daer in Fresco is met wonderheydt te sien
Hoe fraey hy is gheweest in Landtschap en Ruien,
Waer hy oock heeft ghemaeckt den Babilonsen thoren
Die daer meer wordt gheacht als eenich werck te voren
Ghelijck hy naermaels noch ghemaeckt heeft dry oft vier
Waer van men eenen vindt oock binnen stadt van Lyer.
Die Franck heeft ghestoffeert met aerdighe Figuren,
Waerom dat sijnen Naem door Const sal eeuwich dueren:
Om dat sijn vry Pinceel naer 't leven heeft ghewerckt
Auteursrechtvrij
